गत आर्थिक बर्षमा राष्ट्रिय स्तरका १२ विकास बैंकले ४ अर्ब ७९ कराेड २५ लाख रूपैयाँ खुद नाफा कमाएका छन् । यस अवधिमा ती बैंकले कुल एक खर्ब ७९ अर्ब ९९ करोड ७ लाख रुपैयाँ निक्षेप संकलन गरेर एक खर्ब ५७ अर्ब ६२ करोड ५७ लाख रुपैयाँ कर्जा लगानी गरेका छन् ।
सबैभन्दा बढी निक्षेप र कर्जा परिचालन गरेको महालक्ष्मी विकास बैंकले २५ अर्ब १३ करोड निक्षेप संकलन गरेर २० अर्ब ७१ करोड कर्जा परिचालन गरेको छ । सबैभन्दा थाेरै कामना विकास बैंकले ६ अर्ब ९८ करोड संकलन गरेर ६ अर्ब ११ करोड कर्जा परिचालन गरेको छ ।
राष्ट्रिय स्तरका १२ विकास बैंकहरुमध्ये महालक्ष्मी विकास बैंकले नै सबैभन्दा बढी ७० करोड ९१ लाख रुपैयाँ खुद नाफा आर्जन गरेको छ । यो नाफा बाणिज्य बैंकहरु सिभिल, सेञ्चुरी, जनता र कुमारी बैंकभन्दा बढी हो ।
कामना विकास बैंकले सबैभन्दा कम १७ करोड ६५ लाख कमाएको छ । उता कामनासँगै साउन २० गतेबाट एकीकृत कारोबार थालेको सेवाले १७ करोड २८ लाख कमाएको छ । सेवाकाे सबै थप हुँदा भने कामनाकाे सबै तथ्याङ्क बढ्नेछ । गत बर्षकाे वित्तीय विवरण छुट्टै सार्वजनिक गरेकाले सेवा तर्फकाे कुनै विबरण यहाँ समावेश छैन ।
नाेट: पूँजी, निक्षेप, कर्जा, र खुद नाफालार्इ हजारमा ,पूँजीकाेष अनुपात र निष्कृय कर्जा प्रतिशतमा तथा प्रतिसेयर अाम्दानी र नेटवर्थ रूपैयाँमा देखार्एकाे छ । फेवा र गण्डकीकाे एकीकृत विवरण समावेश छ ।
प्रतिसेयर आम्दानी आधारमा मुक्तिनाथ विकास बैंकको सबैभन्दा बढी ३२ रुपैयाँ ११ पैसा रहेको छ भने शतप्रतिशत हकप्रद विक्री गरि चुक्ता पूँजी बढाएको ज्योति विकास बैंकको सबैभन्दा कम १२ रुपैयाँ ३० पैसा रहेको देखिन्छ ।
प्रतिसेयर नेटवर्थमा गण्डकी विकास बैंकको सबैभन्दा उच्च १५० रुपैयाँ ७१ पैसा छ भने १२१ रुपैयाँ ६७ पैसा कायम गदै ज्योति विकास बैंक सबैभन्दा पुच्छारमा रहेको छ ।
गत बर्षको चौथो त्रैमाससम्ममा यति डेभलपमेन्ट बैंकलाई मर्ज गरेको महालक्ष्मी विकास बैंकको मात्र राष्ट्र बैंकले तोकेको चुक्ता पूँजी दुई अर्ब ५० करोड रुपैयाँ पुगेको छ । यतिको निष्कृय कर्जा अनुपातका कारणले बैंककाे एनपिएल पनि सबैभन्दा बढी ३.६३ प्रतिशत रहेको छ । सबैभन्दा कम एनपिएल मुक्तिनाथ विकास बैंकको ०.०२ प्रतिशत रहेको छ ।
पूँजीकोष अनुपातका आधारमा २५.०४ प्रतिशत रहेको गरिमा विकास बैंक शिर्ष स्थानमा छ भने महालक्ष्मी विकास बैंकको सबैभन्दा कम १४.६२ प्रतिशत छ ।
सबैभन्दा कम चुक्ता पूँजी कामना विकास बैंकको ८० करोड ४३ लाख रुपैयाँ देखिन्छ । तर सेवा र कामना मर्जर सकेर साउन २० गतेबाट एकीकृत कारोबार थालीसकेकाल सेवा तर्फको एक अर्ब एक करोड ७० लाख रुपैयाँ थप हुँदा एक अर्ब ८२ करोड १३ लाख नाघ्नेछ । कामनापछि साग्रीलाको एक अर्ब ३५ करोड चुक्ता पूँजी रहेको छ । कसमस बैंकसँग एकीकृत कारोबार थालीसकेको उसले थप ८० प्रतिशत हकप्रद जारी गर्देछ ।
कैलाश, गरिमा र लुम्बिनी विकास बैंकले गत बर्षको नाफाबाट बाेनस वितरण गरेर नै तोकिएको चुक्ता पूँजी पुर्याउने भएका छन् । टुरिजम् डेभलपमेन्ट बैंक मेगा बैंकसँग मर्जर प्रकृयामा रहेको छ । केही कारणले मर्जर तोडिएको अवस्थामा पनि बैंकलाई पूँजी कायम गर्न गाह्रो अवस्था देखिन्न ।
ज्योतिले राप्तीभेरी विकास बैंक प्राप्तीबाट र गण्डकीले फेवासँग मर्जपछि कायम भएकाे चुक्तापूँजीकाे २५ प्रतिशत हकप्रद जारी गर्ने घाेषणा गरेकाे छ । ओमले ३० प्रतिशत तथा सांग्रीलाले ८० प्रतिशत हकप्रद जारी गरेर चुक्ता पूँजी पुर्याउँदैछन् । ४० प्रतिशत हकप्रद खुला भईरहेको मुक्तिनाथ विकास बैक र १० प्रतिशत हकप्रद जारी गरेर कामनाले चुक्ता पूँजी कायम गर्दा देव विकास बैंक ४० प्रतिशत हकप्रदका साथमा साझा र सहारा विकास बैंकलाई प्राप्ती गरेर चुक्ता पूँजी कायम गर्ने योजनामा छ ।
चुक्तापूँजीकाे लागि नपुग रकम सबै बैंकले गतबर्षको बोनसबाट पुरा गर्ने देखिन्छ ।