मुक्तिनाथ विकास बैंकले साउन १९ गतेसम्म कायम सेयरधनीका लागि १० बराबर ४ कित्ता अनुपातमा ६१ लाख ७० हजार ८६५ कित्ता हकप्रद सेयर भदौ ४ गतेदेखि असोज ८ गतेसम्म निष्काशन गरेको थियो ।
सो हकप्रदमा रितिपुर्वक आवेदन दिने १८ हजार ९१० जना सेयरधनीलाई ६० लाख आठ हजार ६२ कित्ता सेयर कार्तिक ७ गते मंगलबार बाँडफाँड गरेको विक्री प्रबन्धक एनआईबिएल क्यापिटलले जनाएको छ ।
आफ्नो हकभन्दा बढी सेयर माग गरि आवेदन दिने सेयरधनीलाई बाँडफाँडमा नपरेको रकम कार्तिक १२ गतेदेखि फिर्ता गर्ने क्यापिटलले जनाएको छ ।
अवितरित सेयरको लिलामीको सूचना बैंकले केही समयपछि प्रकाशित गर्नेछ ।
एक अर्ब ५४ करोड ५८ लाख रुपैयाँ चुक्ता पूँजी रहेको मुक्तिनाथ विकास बैंकले गत आवमा ४९ करोड ६३ लाख रुपैयाँ खुद नाफा कमाएर प्रतिसेयर आम्दानी ३२ रुपैयाँ ११ पैसा कायम गरेको छ ।
बैंकको सेयरमूल्य बुधबार प्रतिकित्ता ६०८ रुपैयाँ हाराहारीमा कारोबार भएको छ । लिलमी सकार्नेले बैंकले प्रस्ताव गर्ने बोनस समेत पाउनेछन् ।
................ सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................