योसँगै नेपाल स्टक एक्सचेञ्जले लेण्डिङ सेवा प्रवाह गराउने सम्बन्धमा आवश्यक काम अघि बढाएको छ ।लगानीकर्ताको हितका साथै सेयर दलालको कार्यक्षेत्र बिस्तारका लागि बोर्डले मार्जिन कर्जाको प्रकृया छिटो सकाउने तयारी अनुरुप आफुहरुलाई अघि बढ्न भनेको नेप्सेका प्रमुख कार्यकारी अधिकृत चन्द्रसिंह साउदले बताए ।
मेरोलगानीसँगको कुराकानीमा प्रमुख कार्यकारी अधिकृत साउदले भने, 'बोर्डले मार्जिन कर्जा दलालबाट उपलब्ध गराउन सबै प्रकृया पुरा गरी कार्यविधि बनाउन छलफल गरिहरहेको छ । यसमा नेप्सेको भुमिका के रहने भन्नेमा बोर्डसँग निरन्तर छलफल चलिरहेको छ । केही दिनमा नै यसको अन्तिम निर्णय बाहिर आउँछ ।'
नेप्सेले लगानीकर्ता, दलाल व्यवशायीका साथै समग्र बजारको विकासमा दलाल मार्फत मार्जिन कर्जाको सुरुवातले महत्वपुर्ण योगदान पुग्ने विश्वास लिएको छ ।
दलाल व्यवशायीको पूँजी बढाउने व्यवस्था अनुसार उनीहरुबाट नै कर्जा प्रवाह गर्नुका साथै डिलरसिपको काम र परामर्शदाताको काम गर्न पाउनु पर्ने माग दलाल व्यवशायीले गर्दै आएका थिए । बोर्डले पनि लगानीकर्तालाई सहज रुपमा मार्जिन कर्जा उपलब्ध होस् भन्ने सोचका साथ कामलाई अन्तिम रुप दिएको जनाएको छ ।
सेयर दलालहरु पनि बोर्डको पछिल्लो कामबाट उत्साहित भएका छन् । आफुहरुको कार्यक्षेत्र बिस्तार भएकोमा खुसी व्यक्त गर्दै स्टक ब्रोकर एशोसिएसनले लगानीकर्तालाई सहज रुपमा कर्जा सेवा उपलब्ध गराउन गृहकार्य सुरु गरिसकिएको जनाएको छ । बोर्डले मार्जिनका सम्बन्धमा निर्णय गरे लगत्तै व्यवशायीले काम सुरु गर्ने बताएका छन् ।
सेयर दलालका साथै लगानीकर्ता तथा सम्बद्ध सबै पक्षले मार्जिन कर्जाको सुरुवातले सेयर बजारलाई धेरै सकारात्मक असर पार्ने विश्वास व्यक्त गरेका छन् ।
------------------------------------------------------------------------------------------------------------------------
................ सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................