माछापुच्छ्रे बैंकले गत साउन ५ देखि भदौ ७ गतेसम्म ७९ लाख १८ हजार ४४० कित्ता हकप्रद सेयर बिक्री खुला गरेकोमा अवितरित एक लाख ६० हजार ७४२ कित्ता सेयरमा लिलामी खुला गरेको हाे। जसमध्ये साधारण समूहको एक लाख ४० हजार ७४० कित्ता तथा संस्थापक समूहको २० हजार दुई कित्ता सेयर लिलाम बढाबढमा ल्याएकाे छ ।
इच्छुक लगानीकर्ताले न्यूनतम १०० रुपैयाँ वा सो भन्दा बढी मूल्य अंकित गरेर शिलबन्दी बोलपत्र पेश गर्न सक्नेछन् । आवेदकले न्यूनतम १०० कित्ता वा सो भन्दा बढीका लागि १० अंकले भाग जानेगरि अधिकतम सबै कित्ताका लागि माग गर्न सक्नेछन् ।
संस्थापक समूहको बोलपत्र कात्तिक १५ गते बिहान १० बजे एनएमबि क्यापिटल र साधारण समूहको सोही दिन ११ बजे स्टार भेन्यू नारायणचाैर नक्सालमा खुला गरिने जनाईएको छ ।
हकप्रद विक्रीपछि बैंकको चुक्ता पूँजी ७ अर्ब ३९ करोड ५ लाख ४४ हजार रुपैयाँ कायम भएको छ । गत आवमा बैंकले एक अर्ब ३० करोड १० लाख ३१ हजार रुपैयाँ खुद नाफा कमाएर प्रतिसेयर आम्दानी २३ रुपैयाँ ९८ पैसा कायम गरेको छ । बैंकको सेयर आईतबार कार्तिक १२ गते प्रतिकित्ता ३१७ रुपैयाँमा कारोबार बन्द भएको छ ।
................ सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................