केन्द्रीय बैंकले ब्याजदर करिडोर अन्तर्गत तरलता प्रवाह गर्नका लागि रिपो उपकरणमार्फत बजारमा पैसा पठाउन लागेको हो ।
ब्याज दर करिडोर लागु भएको दिन बुधबार मात्रै ३ प्रतिशत ब्याजदरमा १५ अर्ब रुपैयाँ बैकिङ प्रणालीबाट प्रशोचन गरेको थियो । त्यसपश्चात वित्तीय बजारमा तरलताको अभाव देखिन थालेपछि २० अर्बको रिपो जारी गर्न लागेको हो ।
केन्द्रीय बैंकले ५ प्रतिशत भन्दा बढी ब्याज प्रस्ताव नगर्न भनेको छ । आगामी मंसिर १५ गते रिपोको रकम परिपक्व हुने छ ।
ब्याजदर करिडोर लागु गर्न दुई हप्ता अवधिको निक्षेप संकलन तथा रिपो उपकरण जारी गर्ने सम्बन्धी कार्य्विधि गत बुधबारदेखि कार्यान्वयनमा आएको हो ।
