मंसिर २९ गते बोलाएको १६औं बार्षिक साधारण सभाका लागि साना किसान लघुवित्त (SKBBL) ले मंसिर १० गते बुकक्लोज गर्देछ । साधारण सभाले गत आर्थिक बर्षमा कमाएको नाफाबाट २५ प्रतिशत बोनस र कर प्रयोजनका लागि १.३२ प्रतिशत नगद लाभांश वितरण गर्ने प्रस्ताव पारित गर्नेछ ।
हाल ५० करोड ३० लाख रुपैयाँ चुक्ता पूँजी रहेको लघुवित्तको बोनसपछि ६२ करोड ८८ लाख रुपैयाँ चुक्ता पूँजी कायम हुनेछ । लघुवित्तले चालु आर्थिक बर्षको प्रथम त्रैमास अवधिमा ८ करोड २० लाख रुपैयाँ खुद नाफा आर्जन गरेर प्रतिसेयर अाम्दानी ६५ रूपैयाँ २२ पैसा कायम गरेको छ । लघुवित्तको सेयर बुधबार प्रतिकित्ता १४९५ रुपैयाँमा कारोबार भएको छ ।
उता रिलायन्स फाइनान्स (RLFL) ले मंसिर २२ देखि चुक्ता पूँजीको ४५ प्रतिशत हकप्रद विक्री गर्नका लागि मंसिर ८ गते बुक क्लोज गर्देछ । फाइनान्सले एक सय रुपैयाँ अंकित दरको २३ लाख ६ हजार ५७१ दशमलव ६० कित्ता हकप्रद सेयर बिक्री गर्न सनराइज क्यापिटललाई बिक्री प्रबन्धक तोकेको छ ।
५१ करोड २५ लाख ७१ हजार ७०० रुपैयाँ चुक्ता पूँजी रहेको रिलायन्सको हकप्रदपछि ७४ करोड ३२ लाख २८ हजार १६० रुपैयाँ पुग्नेछ ।
गत आवमा फाईनान्सले १० करोड ९८ लाख ८१ हजार रुपैयाँ खुद नाफा कमाएर प्रतिसेयर आम्दानी २१ रुपैयाँ ४४ पैसा कायम गरेको छ । फाईनान्सको सेयर बुधबार प्रतिकित्ता १८६ रुपैयाँमा कारोबार भएको छ ।
