नेप्सेले ४५ प्रतिशत हकप्रदपछि कम्पनीको प्रतिकित्ता सेयरमूल्य १५७ रुपैयाँ कायम भएको जनाएको छ । यसअनुसार आईतबार फाइनान्सको सेयर कारोबार प्रतिकित्ता १५७ रुपैयाँलाई आधार मानेर खुला हुनेछ ।
फाइनान्सको १८० दिनको सेयर कारोबारका आधारमा औसत आधारमूल्य १७६ रुपैयाँ निर्धारण गरिएको नेप्सेले जनाएको छ ।
रिलायन्सले मंसिर २२ देखि चुक्ता पूँजीको ४५ प्रतिशत हकप्रद विक्री गर्नका लागि मंसिर ८ गते बुक क्लोज गरेको हो । फाइनान्सले एक सय रुपैयाँ अंकित दरको २३ लाख ६ हजार ५७१ दशमलव ६० कित्ता हकप्रद सेयर बिक्री गर्न सनराइज क्यापिटललाई बिक्री प्रबन्धक तोकेको छ ।
५१ करोड २५ लाख ७१ हजार ७०० रुपैयाँ चुक्ता पूँजी रहेको रिलायन्सको हकप्रदपछि ७४ करोड ३२ लाख २८ हजार १६० रुपैयाँ पुग्नेछ । गत आवमा फाईनान्सले १० करोड ९८ लाख ८१ हजार रुपैयाँ खुद नाफा कमाएर प्रतिसेयर आम्दानी २१ रुपैयाँ ४४ पैसा कायम गरेको छ ।
रिलायन्सले मंसिर २२ देखि ४५ प्रतिशत हकप्रद विक्री गर्ने, हकप्रद भर्न चार कार्यदिनभित्र सेयरधनी बन्नुपर्ने
