बैंकले लिलामीमा ल्याएको सेयरमा ६७ हजार १०६ दशमलव ६४ कित्ता साधारण तथा ५ लाख ३० हजार २४३ दशमलव १६ कित्ता सेयसंस्थापक समूहको रहेको छ । बैंकले असोज २६ देखि कात्तिक २९ गतेसम्म जारी गरेको १२० प्रतिशत हकप्रद जारी गर्दा अवितरित सेयर लिलाम बढाबढमा विक्री गरेको हो ।
बैंकको सेयर बिक्री प्रबन्धक एनआईबिएल क्यापिटल रहेको छ । लिलामीमा बिक्री प्रबन्धकको कार्यालय लाजिम्पाट, शाखा कार्यालय लगनखेल र चिप्लेढुंगा पोखरा तथा नेपाल कम्युनिटीको केन्द्रीय तथा सम्पूर्ण शाखा कार्यालयहरुबाट लिलामीमा आवेदन गर्न सकिनेछ ।
त्यस्तै इन्भेष्टमेन्ट बैंकका विराटनगर, वीरगञ्ज, सुर्खेत नेपालगञ्ज, नारायणगढ र धनगढी शाखाबाट पनि बोलपत्र फारम प्राप्त गर्न तथा बुझाउन सकिने व्यवस्था गरिएको क्यापिटलले जनाएको छ ।
लिलामीमा न्यूनतम १०० रुपैयाँलाई आधार मानेर सो भन्दा बढी मूल्यमा शिलबन्दी बोलपत्र पेश गर्न सक्नेछन् । दुवै समूहमा न्यूनतम १०० कित्तादेखि अधिकतम १० ले भाग जानेगरि सबै कित्ताका लागि आवेदन गर्न सकिनेछ । संस्थापक सेयरमा साविकका संस्थापकहरुले मात्र आवेदन गर्न पाउनेछन् ।
सबै संकलन केन्द्रबाट लिलामी आवेदन विक्री प्रबन्धकको कार्यालयमा प्राप्त भएपछि बोलपत्र खुला गरिने मिति, समय र स्थानको जानकारी सार्वजनिक सूचनाबाट गराइने क्यापिटलले जनाएको छ ।
१२० प्रतिशत हकप्रद पूँजीकरण पश्चात कम्युनिटीको चुक्ता पुँजी ४८ करोड ४६ लाख ४८ हजार ७८० रुपैयाँ पुग्नेछ । गत आर्थिक वर्षमा बैंकले ३ करोड ६१ लाख ९ हजार रुपैयाँ खुद नाफा कमाएर प्रतिसेयर आम्दानी १६ रुपैयाँ ३९ पैसा कायम गरेको थियो । बैंकको सेयरमूल्य आइतबार प्रतिकित्ता १५२ रुपैयाँ हाराहारीमा कारोबार भइरहेको छ ।