बीमा समितिले तोकेको चुक्ता पूँजी कायम गर्न प्रयासरत कम्पनीको गत असोज १० गते सम्पन्न २२ औं बार्षिक साधारणसभाले चुक्ता पूँजीको ५० प्रतिशत हकप्रद प्रस्ताव पारित गरेको थियो ।
हकप्रद निष्काशन गर्नका लागि एनएमबि क्यपिटललाई बिक्री प्रबन्धक तोकिएको छ ।कम्पनीले मंसिर ५ गते हकप्रद जारी गर्न निवेदन पेश गरेकोमा पुस २५ गते अनुमति पाएको हो ।
७८ करोड ४१ लाख रुपैयाँ चुक्ता पूँजी रहेको इन्स्योरेन्सको हकप्रद विक्रीपछि एक अर्ब १७ करोड ६२ लाख नाघ्नेछ । बीमा समितिले २०७५ असार मसान्तसम्ममा निर्जीवन बीमा कम्पनीलाई न्यूनतम एक अर्ब चुक्ता पूँजी कायम गर्न निर्देशन गरेको थियो ।
चालु आवको प्रथम त्रैमासमा कम्पनीले तीन करोड ६१ लाख रुपैयाँ खुद नाफा कमाएर प्रतिसेयर आम्दानी वार्षिक २० रुपैयाँ ३० पैसा कायम गरेको छ । कम्पनीको सेयरमूल्य बुधबार प्रतिकित्ता ८६० रुपैयाँ हाराहारी रहेको छ ।
