कुन कुन कम्पनीको कति कित्ता सेयर लिलामी भैरहेको छ ? यो सामग्री हेर्नुहोस् ।
स्किमले आफ्नो स्वामित्वमा रहेका २४ कम्पनीका सेयरहरु गत बुधबारदेखि लिलाम गरिरहेको छ । पछिल्ला दिनमा सेयर लिलामीमा किने पछि घट्दो बजारमा समयमा सेयर बेच्न नपाउँदा दोस्रो बजारमा नै लिलामीकोभन्दा सस्तो मूल्यमा सेयर पाउन थालिएको छ । यस्तो अवस्थामा उल्लेखित कम्पनीको सेयर लिलामीमा सहभागि हुँदा उचालिएर नभई विवेक प्रयोग गर्नु पर्ने देखिन्छ । यस्तो नगरेको खण्डमा लिलामीको सेयर किन्दा नाफा नभई ठुलो नोक्सान व्यहोर्नु पर्ने अवस्था समेत आउन सक्छ ।
२४ वटा कम्पनीको एक वर्ष अवधिको अधिकतम मूल्य, एक वर्षको न्युनतम मूल्य र लिलामीमा राखिएको सेयर संख्याको विबरण यो चित्रमा हेर्नुहोस् । एक वर्षको अधिकतम र न्युनतम सेयर मूल्यले पनि लिलामीमा सहभागि हुँदा उचित निर्णय गर्न सहयोग पुग्छ ।
चित्रमा क्लिक गरी ठुलो बनाएर हेर्नुहोस् ।
...
यस अघि भएका लिलामीमा कति मूल्य हाल्नेले सेयर पाएका थिए ? बजारमा ती कम्पनीको सेयर मूल्य कुन अवस्थामा थियो ? अनि दोस्रो बजार र लिलामीको न्युनतम सेयर मूल्यमा कति अन्तर थियो भन्ने कुरा १५ वटा कम्पनीको बिवरणबाट देखाउने प्रयास गरिएको छ । जहाँ पहैंलो रंगको बारले कम्पनीहरुको लिलामी सेयरको न्युनतम मूल्य चित्रण गर्छ भने निलो चित्रले त्यस बेला दोस्रो बजारमा किनबेच भएको सेयर मूल्यलाई चित्रण गर्छ । रातो आकृति भित्र राखिएको प्रतिशतले दोस्रो बजार र लिलामीको न्युनतम सेयर मूल्य बिचको अन्तरलाई चित्रण गर्छ ।
चित्रमा आरएसडिसी लघुवित्तको सेयर बिक्रीमा सबैभन्दा धेरै अन्तर देखिएको छ । लघुवित्तको दोस्रो बजारको सेयर मूल्यभन्दा लिलामीको सेयर मूल्य झण्डै ३४ प्रतिशतले सस्तो थियो । दोस्रो बजार र लिलामीको सेयर मूल्यमा सबैभन्दा थोरै अन्तर मुक्तिनाथ विकास बैंकको सेयरमा रहेको तथ्यांकले देखाउँछ ।
बजारको उतारचढाव, कम्पनीको प्रकृति, समुहगत आधार, कम्पनीको वित्तीय अवस्था, लगायत कुराको अध्ययन गरेर सेयर लिलामीमा सहभागि हुँदा उचित निर्णय लिन सहज हुन्छ । माथि देखाइएका तथ्यांकबाट औसतमा आवेदन गर्ने मूल्य निर्धारण गर्न लगानीकर्तालाई सहज हुने विश्वास मेरोलगानीले लिएको छ ।
सानिमा माई हाइड्रो, एसबिआई बैंक लगायत कम्पनीको जसरी दोस्रो बजारको सेयर मूल्य लिलामीको मूल्यभन्दा तल झरेको खण्डमा लगानीकर्ता नोक्सानमा पर्ने सम्भावना अधिक हुन्छ । तसर्थ लिलामीको सेयरमा धेरै महंगो मूल्यमा नभई आफुलाई सहज हुने मूल्यमा आवेदन गरेको खण्डमा बजार मूल्य तल आउँदा पनि नोक्सानको भागेदारीमा पर्नु पर्दैन ।
