७ अर्ब ५४ करोड ७९ लाख २५ हजार रुपैयाँ लाभांश भने सरकारको ढुकुटीमा जानेछ । पुस ११ गतेसम्म कायम सेयरधनीले मात्र नगद लाभांश पाउनेछन् । पुस ३० गते आइतबार सम्पन्न दशौं वार्षिक साधारणसभाले उक्त लाभांश प्रस्ताव पारित गरेको थियो ।
धितोपत्र बोर्डको निर्देशन बमोजिम सेयर रजिष्ट्रार एनएमबि क्यापिटल मार्फत सेयरधनीहरूकै बैंक खातामा लाभांश वितरण गर्ने टेलिकमले जनाएको छ । यसका लागि सेयरधनीले हीतग्राही खातामा आफ्नो बैंक खाता अद्यावधिक गराउनुपर्नेछ । हालसम्म पनि आफ्नो सेयर भौतिक रुपमा राखेका सेयरधनीले लाभांश पाउन सेयर डिम्याट गरेर हितग्राही खातामा बैंक खाता अद्यावधिक गराएपछि मात्र प्राप्त गर्नछन् ।
पुस ११ गतेसम्म हितग्राही खातामामा बैंक खाता अद्यावधिक गराइसकेका तथा विगतमा एनएमबि बैंकबाट बैंक खातामा लाभांश प्राप्त गर्न निवेदन दिएका सेयरधनीको खातामा भने टेलिकमले स्वत: उनिहरूकै बैंक खातामा नगद लाभांश वितरण गर्नेछ ।
कम्पनीमा नेपाल सरकारको ९१.४९ प्रतिशत शेयर स्वामित्व रहेको छ भने सर्वसाधारण सेयरधनीको ४.४४ प्रतिशत, कर्मचारीको ४.०४ प्रतिशत तथा नागरिक लगानी कोषको ०.०३ प्रतिशत सेयर स्वामित्व रहेको छ ।
१५ अर्ब रुपैयाँ चुक्ता पूँजी रहेको कम्पनीले गत आर्थिक बर्षमा १५ अर्ब ३७ करोड रुपैयाँ कमाएको थियो । चालु आवको पहिलो त्रैमासमा ४ अर्ब ५ करोड ६५ लाख ३८ हजार ७४ रुपैयाँ खुद नाफा कमाएर प्रतिसेयर आम्दानी आम्दानी १०८ रुपैयाँ १७ पैसा कायम गरेको छ ।