बैंकले चालु बर्षको पुष मसान्तसम्ममा तीन करोड १२ लाख १९ हजार रुपैंया खुद मुनाफा गरेको छ । बैंकको नाफा ४.९२ प्रतिशतले मात्र बढेको हो । गतबर्षको यसै अवधिमा बैंकले दुई करोड ९७ हजार रुपैंया नाफा गरेको थियो ।
बैंकले एकबर्षको अवधिमा बोनस तथा हकप्रद सेयर बिक्री गरेर २४ करोड रुपैयाँ रहेको चुक्तापूँजी बढाएर ४५ करोड पुर्याएको छ । यस अवधिमा बैंकको जगेडा कोषमा १४ करोड १८ लाख रुपैंया छ । तर पूँजी बढे अनुपातमा बैंकको आम्दानी हुन नसक्दा प्रतिसेयर आम्दानीमा गिरावट आएको हो ।
बैंकको ब्याज आम्दानी बढेपनि ब्याज खर्चमा भएको वढोत्तरी, कर्मचारी खर्च तथा जोखिम व्यवस्थापन वापतको खर्च बढेपछि नाफा बढ्न नसकेको हो । यसअवधिमा बैंकको संचालन मुनाफा नै मात्रै २० लाखले बढेको छ ।
बैंकले सम्भावित जोखिम व्यवस्थापनमा ५४ लाख ३० हजार रुपैयाँँ छुट्टाएको छ । यस अवधिमा ६ लाख ९२ हजार रुपैया खराब कर्जा असुली गरेकोे छ ।
बैंकले खराब कर्जामा सुधार गरेको छ । यस अवधिमा बैंकको खराब कर्जा शुन्य दशमलव ६६ प्रतिशत कायम भएको छ । गत बर्षको यसै अवधिमा १.९७ प्रतिशत थियो । बैंकको प्रतिसेयर नेटवर्थ १३१ रुपैयाँ ५० पैसा, तरलता अनुपात १८.१५ प्रतिशत, पूँजीकोष अनुपात १७.३० प्रतिशत रहेको छ ।
राष्ट्र बैंकको निर्देशन अनुसार बैंकले ५० करोड रुपैयाँ चुक्तापूँजी पुर्याउनु पर्ने हुन्छ । बैंकले गतबर्षको कमाईबाट १६.०३ प्रतिशत बोनस सेयर वितरण गर्ने प्रस्ताव गरेको छ । बोनसपछि बैंकको पूँजी ५२ करोड नाघ्नेछ ।
