लक्ष्मी बैंकले पुष मसान्तसम्ममा ५१ करोड ९२ लाख रुपैयाँ खुद नाफा गरेको छ । यो नाफा गतबर्षको यसै अवधिको तुलनामा २७.७७ प्रतिशत बढी हो । बैंकले गतबर्षको दोस्रो त्रैमासमा ४० करोड ६३ लाख खुद नाफा गरेको थियो ।
बैंकको संचालन मुनाफ, ब्याज आम्दानी तथा नियमित कारोबारबाट हुने आम्दानी बढेपछि नाफामा बढोत्तरी आएको हो । तर बैंकको ब्याज खर्च, कर्मचारी खर्च लगायतका खर्च भने बढेका छन् ।
दोस्रो त्रैमासमा बैंकको खुद ब्याज आम्दानी ९९ करोड ९८ लाख रुपैयाँ छ। बैंकको खुद ब्याज आम्दानी २८.७६ प्रतिशतले बढेको छ ।
बैंकले यसअवधिसम्म ६० अर्ब २७ करोड रुपैयाँ निक्षेप संकलन गरी ५५ अर्ब २ करोड रुपैयाँ कर्जा लगानी गरेको छ। बैंकको निक्षेप ८.५० प्रतिशत तथा कर्जा लगानी १७.७९ प्रतिशतले बढेको छ । बैंकको निक्षेप संकलनको अनुपातमा कर्जा लगानीको अनुपात बढेपछि कर्जा निक्षेप अनुपात सिडि रेशियो ७७.९३ प्रतिशत पुगेको छ । जसले गर्दा बैंकलाई थप कर्जा विस्तार गर्न निक्षेप बढाउनु पर्ने बाध्यता छ ।
बैंकको अधार ब्याजदर १०.८८ प्रतिशत पुगेको छ भने कोषको लागत समेत ५.२५ प्रतिशतबाट बढेर ७.४२ प्रतिशत पुगेको छ ।
बैंकको पूँजीको आकार बढेपनि निष्क्रिय कर्जाको आकार भने केही घटाएको छ । यसअवधिमा बैंकको खराब कर्जा १.२९ प्रतिशत छ । गतबर्ष यस्तो अनुपात १.३१ प्रतिशत थियो । गतबर्षको तुलनामा खराबकर्जाको असुली केही कम भएपनि यसपालि भने जोखिम वापतको व्यवस्थापन खर्च भने घटाएको छ ।
बैंकको प्रतिशेयर आम्दानी १३.२३ रुपैयाँ, मुल्य आम्दानी अनुपात १९.८० गुणा, प्रतिशेयर नेटवर्थ १२२.९४ रुपैयाँ र तरलता अनुपात २१.५६ प्रतिशत रहेको छ ।
बैंकको चुक्ता पूँजी ८ अर्ब २२ करोड रुपैयाँ छ भने जगेडा कोषम एक अर्ब ८८ करोेड रुपैयाँ छ। बैंकको जगेडा कोषको आकारमा पनि गिरावट आएको छ । बैंकले गतबर्षको मुनाफाबाट दश प्रतिशत लाभांस वितरण गरेकाले जगेडाकोषको आकार घटेको हो ।
