बैंकको नाफा गतबर्षको यसै अवधिको तुलनामा करिब ३७ प्रतिशतले बढी हो । गतबर्षको यसै अवधिमा बैंकले ७४ करोड खुद नाफा गरेको थियो । बैंकले खुद ब्याज आम्दानी, संचालन मुनाफा, खराब कर्जा असुली तथा विदेशी मुद्राको कारोबार बाट आम्दानी बढाएपछि नाफा बढेको हो ।
तर बैंकको पूँजी बढेको अनुपातमा आम्दानी कम हुँदा प्रतिसेयर आम्दानी खस्केको छ । बैंकको प्रतिसेयर आम्दानी २५ रुपैयाँ ३० पैसा छ । गतबर्ष यस्तो आम्दानी ३९ रुपैयाँ ४८ पैसा थियो ।
३ अर्ब ७४ करोडबाट आठ अर्ब एक करोड चुक्तापूँजी पुर्याएको बैंकको जगेडाकोषमा चार अर्ब ८६ करोड रुपैयाँ छ । गतबर्षको कमाई र जगेडाकोषको रकम उपयोग गरेर बैंकले शतप्रतिशत बोनस वितरण गरेको थियो । बैंकले एफपिओ बिक्री गरेर जगेडाकोष मजबुत बनाएको थियो ।
६६ अर्ब रुपैयाँ निक्षेप संकलन गरेको बैंकले ४२ अर्ब ३५ करोड रुपैयाँ कर्जा लगानी गरेको छ । निष्कृष्य कर्जा अनुपातलाई घटाएर शून्य दशमलव १७ प्रतिशतमा झारेको बैंकले ५ करोड ९९ लाख संम्भावित जोखिम व्यवस्था गर्दा २ करोड ६९ लाख खराब कर्जा असुलेको छ ।
बैंकको प्रतिसेयर नेटवर्थ १६०.७४ रुपैयाँ र मूल्य आम्दानी अनुपात ४१.०३ गुणा रहेको छ ।
निक्षेपमा ब्याज दर बढ्दा कोषको लागत बढेर २.४२ प्रतिशत पुगेको छ । भने सीसीडी रेसियो ७८.९७ प्रतिशत नाघेको छ । यसले बैंकलाई थप कर्जा विस्तार गर्न निक्षेप बढाउनु पर्ने बाध्यता छ ।