व्याज आम्दानीको तुलनामा अत्याधिक व्याज खर्च बढ्दा कम्पनीको खुद व्याज आम्दानीमा सकुंचन आएको देखिन्छ । शूल्क तथा कमिशन र अन्य सञ्चालन आम्दानी घट्दा तथा कर्मचारी खर्च र अन्य सञ्चालन खर्चको बढोत्तरीले बैंकको नाफा घट्न सहयोग पुगेको देखिन्छ ।
समीक्षा अवधिमा खुद व्याज आम्दानी चार करोड ६१ लाखबाट चार करोड ५२ लाखमा सीमीत भएको छ । ९ करोड ९७ लाख व्याज आम्दानी गर्दा बैंकले पाँच करोड २२ लाख खर्च गरेको हो ।
समिक्षा अवधिमा एक अर्ब ७२ करोड ७६ लाख रुपैयाँ निक्षेप संकलन गरि एक अर्ब ४१ करोड ८३ लाख रुपैयाँ कर्जा लगानी गरेको छ । उसको कर्जा निक्षेप अनुपात (सीसीडी) ६४.६८ प्रतिशत छ ।
४१ करोड ४१ लाख रुपैयाँ चुक्ता पूँजी रहेको बैंकले बार्षिक पाँच रुपैयाँ २९ पैसा प्रतिसेयर आम्दानी कायम गरेको छ । बैंकको जगेडा कोषमा आठ करोड ७२ लाख सञ्चित छ । कर्जा नोक्सानी व्यवस्था ३१ लाख गर्दा बैंकले ३८ लाख ८३ हजार रुपैयाँ असुली गरेको छ ।
पूँजी कोष अनुपात २८.७६ प्रतिशत रहेको बैंकले खराब कर्जा अनुपात ०.७८ प्रतिशतमा सीमित पारेको छ । निक्षेप लागत ४.१ प्रतिशतबाट बढेर ६.४९ पुगेको छ ।