ती मध्ये ग्रीन डेभलपमेन्ट र पोखरा फाइनान्स काे हकप्रद एक हप्तामा भरिसक्नुपर्नेछ । सेन्ट्रल फाइनान्स र प्रभू बैंकको फागुन १३ गते, कर्णाली डेभलपमेन्ट र लुम्बिनी विकास बैंकको फागुन १६ गते, कामना सेवा विकास बैंक र श्री इन्भेष्टमेन्ट फाइनान्सको फागुन २० गते र नेको इन्स्योरेन्सको हकप्रद लगानीकर्ताले चैत १ गतेभित्र भरिसक्नुपर्नेछ ।
सेन्ट्रल फाइनान्सले हकप्रद भर्ने मिति थप गरेको हो । अन्य कम्पनीले पनि निर्धारीत मितिमा हकप्रद बिक्री नभएमा धितोपत्र बोर्डको व्यवस्था बमोजिम बढीमा १५ दिन आवेदन दिने समय थप गर्न सक्नेछन् ।
हेर्नुहोस् कुन कम्पनीको हकप्रद कहिलेसम्म कायम रहेका सेयरधनीले भर्न पाउँछन्
यहाँ बुक क्लोजको अधिल्लो दिनसम्म कायम रहेका सेयरधनीले तोकिएको अनुपात सम्बन्धित विक्री प्रबन्धक तथा उसले तोकेको स्थानहरुबाट आवेदन गर्न सक्नेछन् । त्यस्तै आस्वा अनुमति प्राप्त बैंक तथा वित्ती संस्थाहरुबाट समेत आवेदन गर्न सक्नेछन् ।
हाल लगानीकर्ताबाट यतिको ठूलो रकम हकप्रदमा खर्चनुपर्दा धितोपत्रको दोस्रो बजारमा भने नेप्से परिसूचक दिनप्रतिदिन ओरोलो लाग्ने क्रम अझै जारी छ । मागभन्दा सेयरको आपूर्ति अत्याधिक हुँदा लगानीकर्ताले भएको रकम हकप्रदमै खर्च गर्नुपरेको छ । पूँजी पुर्याउने क्रममा रहेका धेरै कम्पनीको हकप्रद धितोपत्रको बोर्डको पाइपलाइनमा रहेको छ ।
लगानीकर्ता उत्साहित हुने व्यवस्था अहिले केही हुन सकेको छैन । अनलाइन टेड्रिङ कारोबार कहिलेबाट हुने अहिलेसम्म निश्चित हुन सकेको छैन । यस्तो अवस्थामा बजारमा बुलिस प्रवृत्ति तत्काल आउन नसक्ने सेयर बजारका विश्लेषक बताउँछन् ।
धेरै कम्पनीहरुले दोस्रो त्रैमासिक अवधिमा राम्रो वित्तीय विवरण प्रस्तुत गरेपनि ती कम्पनीहरुमा समेत लगानीकर्ताको चासो देखिने गरेको छैन । राष्ट्र बैंकले बैंक तथा वित्तीय संस्थाहरुलाई पूँजी वृद्धि गर्दा फोर्स मर्जरमा लैजान नसक्दा र प्राय धेरै कम्पनीले पूँजी कायम गर्ने औजार हकप्रदलाई नै बनाउँदा अहिलेको अवस्था सिर्जना भएको हो ।
बेला बेलामा एनआरएनलाई सेयर बजारमा भित्र्याउने कुरा भएपनि त्यसलाई कुन प्रकया र मापदण्ड अनुसार लगानी गर्न दिने तथा लगानी फिर्ता लैजाने विषयमा ठोस निर्यणमा पुग्न नसक्दा पनि बजारमा उत्साह छाउन सकेको छैन । यसले बजार घट्छ नै भनेर विश्लेषण गर्न नसकिए पनि अझै केही समय उछाल नआउने भने निश्चित छ ।
(नाेट : लगानीकर्ताले निष्काशित कम्पनीमा कति कित्ता हकप्रद आवेदन गर्न पाउँछन् भन्ने थाहा पाउन सम्बन्धित कम्पनीमा क्लिक गरि हेर्न सक्नेछन् ।)