ओमले फागुन २५ गते शुक्रबार होटल माउण्ट कैलाश रिर्सोट, पोखरामा विहान १० बजे ११ औं बार्षिक साधारण सभा आह्वान गरेको छ ।
सभाबाट ३७ करोड ८१ लाख सात हजार तीन सय रुपैयाँ बोनस सेयर वितरण गर्ने तथा अन्य बैंक तथा वित्तीय संस्थासँग मर्जर तथा प्राप्ती कार्य अगाडि बढाउन सञ्चालन समितिलाई अधिकार प्रदान गर्ने प्रस्ताव छ ।
त्यस्तै संस्थापक सेयरधनी र साधारण सेयरधनीको तर्फबाट प्रतिनिधित्व हुने गरी ६ जना सञ्चालक समितिको निर्वाचन गर्ने भएको छ । सञ्चालकको बैठक भक्ता बढाउने र कार्यकारी सञ्चालक र कार्यकारी प्रमुखको कार्यकाल कायम गर्ने प्रस्ताव पारित गर्ने प्रस्ताव पनि साधारण सभामा छ ।
गत असार २ गते पछाडि सेयर खरिद गरि बोनस पाउन योग्य सेयरधनीले भने बोनसमा लाग्ने कर तिर्नुपर्ने बैंकले जनाएको छ । दुई अर्ब १३ करोड ७१ लाख रुपैयाँ चुक्ता पूँजी रहेको ओमको बोनसपछि दुई अर्ब ५१ करोड ५१ लाख रुपैयाँ चुक्ता पूँजी पुग्नेछ ।
चालु आवको दोस्रो त्रैमासमा ओमले १५ करोड तीन लाख रुपैयाँ खुद नाफा कमाएर प्रतिसेयर आम्दानी १४ रुपैयाँ ०७ पैसा कायम गरेको छ ।