सुलभ इन्भेष्टमेन्ट फण्डको खुद सम्पत्ति पुस महिनाको भन्दा दुई करोड ५३ लाखले घटेर एक अर्ब दुई करोड ५३ लाख ४९ हजार ६४५ रुपैयाँ कायम भएको छ । फण्डले ६० कम्पनीका सात लाख ८७ हजार ७७७ सूचीकृत धितोपत्रमा ४५ करोड ३५ लाख २० हजार ५६० रुपैयाँ लगानी गरेको छ । जुन पुस मसान्तको भन्दा एक करोड दुई लाख कम हो । सेयरको बजारमूल्य घटेसँगै फण्डको लगानीमा गिरावट आएको हो ।
फण्डले १६ वटा वाणिज्य बैंकको धितोपत्रमा १५ करोड ९४ लाख रुपैयाँ, १२ वटा बीमा कम्पनीको धितोपत्रमा ११ करोड ६१ लाख रुपैयाँ लगानी गरेको छ । १७ लघुवित्त कम्पनीको धितोपत्रको आठ करोड २८ लाख रुपैयाँ, ९ विकास बैंकको धितोपत्रमा तीन करोड ५१ लाख, तीन होटल्सको धितोपत्रमा एक करोड दुई लाख रुपैयाँ लगानी छ ।
त्यस्तै बुटवल पावरको एक करोड २५ लाख, र नेपाल दुरसञ्चार कम्पनी र नागरिक लगानी कोषको धितोपत्रमा तीन करोड ७० लाख लगानी गरेको छ । फण्डले सबैभन्दा धेरै नेपाल दूरसञ्चार कम्पनीमा दुई करोड ६१ लाख रुपैयाँ बराबरको ३४ हजार २९५ कित्ता सेयरमा लगानी रहेको छ ।
फण्डको बैंक मौज्दातमा ४२ हजार रुपैयाँ बढेर ३९ करोड ५३ लाख ५३ हजार ६६७ रुपैयाँ छ । यसले आइपिओ र हकप्रदमा गरेको लगानी रकम एक करोड ५३ लाखले घटेर चार करोड १९ लाख ४४ हजार १७८ रुपैयाँमा सीमित भएको छ ।
फण्डले सात करोड ५० लाख इकाइ सर्वसाधारणमा जारी गरेको छ ।
