फाइनान्सको सेयर बिक्री प्रबन्धक एनआईविएल एस क्यापिटल रहेको छ । सेयरधनीले धितोपत्र बोर्डबाट आस्वा सेवाको अनुमति पाएका सबै बैंक तथा बित्तीय संस्था र तिनका शाखाबाट हकप्रदका लागि आवेदन दिन सक्नेछन् ।
त्यस्तै क्यापिटलको मुख्य कार्यालय लाजिम्पाट, शाखा कार्यालय लगनखेल तथा पोखरा, मञ्जुश्री फाइनान्सको बानेश्वर तथा सबै शाखा कार्यालयबाट २०७५ बैशाख १२ गतेसम्म आवेदन गर्न सकिने व्यवस्था गरिएको क्यापिटलले जनाएको छ । फाइनान्सले हकप्रद निष्काशन गर्न फागुन ९ गते बुकक्लोज गरेकाले फागुन ८ गतेसम्म कायम सेयरधनीले मात्र हकप्रदमा आवेदन गर्न पाउनेछन् ।
गत असोज २५ गते सम्पन्न विशेष साधारण सभाबाट पारित गरेको कम्पनीको हकप्रद जारी गर्ने प्रस्ताव धितोपत्र बोर्डबाट माघ ९ गते स्वीकृत भएको थियो ।
७२ करोड ४३ लाख ७९ हजार रुपैयाँ चुक्ता पूँजी रहेको फाइनान्सको ६ प्रतिशत अर्थात चार करोड ३४ लाख ६२ हजार सात सय रुपैयाँ बोनस र पाँच प्रतिशत हकप्रदपछि ८० करोड ४० करोड ६० लाख रुपैयाँ पुग्नेछ ।
चालु आर्थिक वर्षको दोस्रो त्रैमासमा फाइनान्सले चार करोड १४ लाख रुपैयाँ खुद नाफा कमाएर प्रतिसेयर आम्दानी ११ रुपैयाँ ४३ पैसा कायम गरेको छ ।