दोर्दीखोला जलविद्युत कम्पनीले आइपिओ जारी गर्ने

Mar 20, 2018 merolagani

दोर्दीखोला जलविद्युत कम्पनी लिमिटेड (DORDI) ले आईपिओ निष्कासनको प्रस्ताव राखेर चैत २८ गते साधारण सभा बोलाएको छ । कम्पनीले सर्वसाधारण र आयोजना प्रभावित स्थानीय बासिन्दाका लागि साधारण शेयर निष्काशन गर्ने भएको हो ।

साधारणसभाबाट उक्त प्रस्ताव पारित भएपछि आईपिओ निष्कासनको काम अघि बढ्नेछ । आइपिओ कति निष्कासन गर्ने भन्ने बिषयमा साधारणसभाले तय गर्नेछ ।

कम्पनीले लम्जुङमा १२ मेगावाटको दोर्दीखोला एक आयोजना निर्माण गरिरहेको छ । आयोजना आउदो डेढ वर्षमा सम्पन्न हुने लक्ष्य कम्पनीको छ ।

आयोजनाको अनुमानित लागत २ अर्ब २९ करोड रुपैयाँ छ । उक्त आयोजनामा सानिमा बैंकको नेतृत्वमा लक्ष्मी बैंक,कृषि विकास बैंक, कैलाश विकास बैंक लगायतले एक अर्ब ४० करोडको ऋण लगानी छ ।

आयोजना संचालक समुह सिईडिबी हाइड्रोले लमजुङ जिल्लामा ४.४ मेगावाट क्षमताको राधी साना जलविद्युत आयोजना तोकिएको समय अगावै सम्पन्न गरेको थियो।  ११ मेगावाटको तल्लो खारे खोला निमार्णधिन छ भने ४.३ मेगावाटको अर्को आयोजना रुकुम गाड जलबिधुत आयोजनाको सर्वेक्षण अनुमति प्राप्त गरेको छ ।

comments powered by Disqus

यस्तो छ २७ वाणिज्य बैंकको गत बर्षको नाफा, चार बैंकको बाहेक सबैको बढ्यो

Aug 15, 2018

अधिकांश वाणिज्य बैंकहरुले खुद नाफा बढाएका छन् । गत आर्थिक बर्षको वित्तीय विवरण प्रकाशित गरेका २७ वाणिज्य बैंकमध्ये चार बैंक बाहेक सबैको नाफा बढेको छ । नाफा रकमको आधारमा नबिल बैंक सबैभन्दा अगाडि रहँदा सिभिल बैंक सबैभन्दा कमजोर देखिएको छ ।