उक्त साधरणसभाले हाल कायम चुक्ता पूँजीको दश प्रतिशत बोनस सेयर वितरण गर्ने र तत्पश्चात कायम पूँजीमा ५१ प्रतिशत हिस्सा संस्थापक तथा ४९ प्रतिशत हिस्सा साधारण सेयर कायम गर्ने भएको छ । साथै यसअघि प्रस्ताव गरेको १ः६ अनुपातको हकप्रद शेयर परिमार्जन गर्ने प्रमुख कार्यकारी कमल गौतमले जानकारी दिए ।
दश प्रतिशत बोनस पश्चात कम्पनीको चुक्ता पँजी १३ करोड ३६ लाख ५० हजार रुपैयाँ कायम छ । कम्पनीले चालु आर्थिक बर्षको दोस्रो त्रैमासको प्रतिवेदनमा बोनस पूँजीकृत गरिसकेको छ ।
अब कम्पनीले १३ करोड ३६ लाख ५० हजार चुक्ता पूँजीको एक सय पाँच प्रतिशत (१ः१.०५) अनुपातमा संस्थापक हकप्रद सेयर हाल कायम रहेका सेयरधनीहरुलाई जारी गर्नेछ ।
कम्पनीले १४ करोड ३ लाख ३२ हजार रुपैयाँ बराबरको संस्थापक हकप्रद जारी गरेपछि कम्पनीको चुक्ता पूँजी २७ करोड ३९ लाख रुपैयाँ पुग्नेछ । साथै यसपश्चात कम्पनीमा संस्थापक तथा साधारण सेयरधनीको हिस्सा अनुपात ५१ : ४९ प्रतिशत कायम हुनेछ ।
त्यसपश्चात कम्पनीले सबै सेयरधनीहरुलाई तीन सय प्रतिशत (१ः३ ) अनुपातमा हकप्रद शेयर निष्कासन गर्ने प्रस्ताव अघि सारेको छ । यो हकप्रद पश्चात कम्पनीको चुक्ता पूँजी एक अर्ब ९ करोड ५९ लाख ३ सय रुपैयाँ कायम हुनेछ । ।
यदि कम्पनीले पुरानै प्रस्ताव बमोजिम ६ सय प्रतिशत हकप्रद निष्कासन गरेको भए कम्पनीको चुक्ता पूँजी थप सात करोड नपुग्ने अवस्था रहन्थ्थो ।
संस्थापक र सर्वसाधारण सेयरधनीको हिस्सा अनुपात ५१ : ४९ प्रतिशत गर्दा कम्पनीका लगानीकर्ताले दुई पटक हकप्रद सेयर खरिद गर्नुपर्ने भएको छ । पहिलो पटक खरिद गरेको हकप्रद संस्थापक कायम हुनेछ । दोस्रो पटकको हकप्रद जुन संस्थापक भए संस्थापक, साधारण भए साधारण कायम हुने छ ।
साधारण सभा प्रयोजनको लागि कम्पनीको चैत २६ गतेदेखि बैशाख १० गतेसम्म शेयरधनी दर्ता पुस्तिका बन्द गर्ने भएको छ ।
एभरेष्टको पूँजी योजना
यदि तपाईसँग आजको दिनमा १०० कित्ता सेयर छ
१० प्रतिशत बोनसपछि ११० कित्ता पुग्नेछ ।
११० कित्ताको १०५ प्रतिशत हकप्रद पश्चात तपाईसँग २२५.५ कित्ता सेयर हुनेछ । जसमध्ये ११० कित्ता साधारण र ११५.५ कित्ता संस्थापक सेयर कायम हुनेछ ।
त्यसपश्चात ३०० प्रतिशत हकप्रद खरिद गर्दा तपाईसँग ६७६.५ कित्ता सेयर हुनेछ । जसमध्ये ३३० कित्ता साधरण र ३४६.५ कित्ता संस्थापक सेयर हुनेछ ।