बैंकले १४ लाख ७९ हजार २६४.८८ कित्ता संस्थापक सेयर र ५ लाख ४० हजार ७९४.७१ कित्ता साधारण सेयरमा असार १ गतेदेखि लिलामी खुला गरेको थियो ।
बैंकको सेयर विक्री प्रबन्धक एनआइबीएल एस क्यापिटल रहेको छ । लगानीकर्ताले क्यापिटलको कार्यालयहरु लाजिम्पाट, लालदरबार काठमाडौं, लगनखेल ललितपुर, पोखरा, बुटवल, वीरगञ्ज र विराटनगरबाट पनि आवेदन दिन सक्नेछन् ।
देवः विकास बैंकको केन्द्रीय कार्यालय, लालदरबार काठमाडौं र नेपाल इन्भेष्टमेन्ट बैंकको शाखा कार्यालयहरु सुर्खेत, नेपालगञ्ज, नारायणगढ र धनगढी शाखाबाट पनि लिलामीमा आवेदन गर्ने व्यवस्था मिलाइएको छ ।
लगानीकर्ताले संस्थापक सेयरका लागि आवेदन गर्दा न्यूनतम एक हजार कित्ता र साधारण सेयरका लागि एक सय कित्तादखि लिलामीमा आएको सबै कित्ता सेयर माग गर्न सक्नेछन् ।
हाल एक अर्ब ६३ करोड ३२ लाख रुपैयाँ चुक्ता पूँजी रहेको देवको ४० प्रतिशत हकप्रदपछि २ अर्ब २८ करोड ६५ लाख रुपैयाँ चुक्ता पूँजी कायम भएको छ । गत आवको नाफाबाट २४ करोड ७० लाखकाे बोनस प्रस्ताव गरेको बैंकको बोनसपश्चात दुई अर्ब ५३ करोड रुपैयाँ चुक्ता पूँजी पुग्ने जनाइएको छ ।
बैंकले बोनस पारित गर्न असार २७ गते ११ अाैं बार्षिक साधारण सभा आह्वान गरेको छ । बिहीबार दाेस्राे बजारमा बैंककाे सेयर प्रतिकित्ता १२७ रूपैयाँमा काराेबार भएकाे छ ।
उता लुम्बिनी विकास बैंकको ३ लाख ६४ हजार ८३६.४४ कित्ता संस्थापक सेयरमा लिलामी आवेदन गर्ने शुक्रबार नै अन्तिम दिन रहेको छ । इच्छुकले बिक्री प्रबन्धक भिबोर क्यापिटल ट्रेड टावर थापाथलीबाट शिलबन्दी बोलपत्र पेश गर्न सक्नेछन् ।
लुम्बिनिको संस्थापकमा भने न्यूनतम १०० कित्तादेखि अधिकतम सबै कित्तासम्म आवेदन गर्न पाउने व्यवस्था छ ।