यसअघि बैंकर्स संघले ब्याजदरमा गरेको भद्र सम्झौता खारेज पश्चात बैंकहरुबीच अाफ्नाे बैंकमा निक्षेप बढाउने हाेडमा ब्याजदर बढाउने तिब्र प्रतिस्पर्धा नै चलेको थियो ।
यससँगै सेञ्चुरी बैंकले पनि अन्य तीन बाणिज्य बैंकहरु एनआइसी एशिया, सिभिल बैंक र प्राईम कमर्सियल बैंकलाई उछिन्दै एक बर्षे मुद्धतीको ब्याजदर १२.५० प्रतिशत पुर्याएको थियो । संघबीच फेरि सम्झौता भएसँगै बैंकले सो व्याजदर १०.५० प्रतिशतमा झारेको हो ।
अब सेञ्चुरीले सबै प्रकारका बचत खातामा बार्षिक ७ प्रतिशत, एक बर्ष अवधिको व्यक्तिगत मुद्धती बचत खातामाबार्षिक १०.५० प्रतिशत ब्याजदर प्रदान गर्ने जनाएको छ ।
संस्थागत मुद्धती खातामा भने बैंकले उक बर्ष सम्मको लागी १०.५ प्रतिशत ब्याजदर प्रदान गर्ने जनाएको छ ।
सबै ब्याजदर त्रैमासिक रुपमा भुक्तानी हुने गरी संशोधन भएको बैंकले जनाएकाे छ ।
अन्य बाणिज्य बैंकहरूले पनि संघसँगकाे सम्झाैतापछि शुक्रबारबाटै यसअघि बढाएकाे ब्याजदरमा संसाेधन गरेका छन् ।