नेपाल बैंकले कर्जाको ब्याजदर घटाएर प्रकाशित गर्यो नयाँ ब्याजदर

Aug 07, 2018 Merolagani

नेपाल बैंक (NBL) ले यहि श्रावण २२ गतेदेखि लागू हुनेगरी निक्षेप तथा कर्जाको नयाँ ब्याजदर प्रकाशित गरेको छ । बैंकले प्रकाशित गरेको नयाँ विवरण अनुसार कर्जा तथा निक्षेप दुबैमा ब्याजदर सामान्य घटाईएको छ ।

बैंकका अनुसार गत आर्थिक बर्षको चौथो त्रैमास अर्थात असार मसान्तसम्म आधार ब्याजदर ७.०३ प्रतिशत रहेको छ ।

बैंकको आधार ब्याजदर केही घटेपछि कर्जाको ब्याज घटाएको हो । तेस्रो त्रैमास अर्थात चैत मसान्तसम्म बैंकको आधार दर ७.११ प्रतिशत थियो ।

बैंकले सामान्य बचतमा दुई प्रतिशतदेखि अधिकतम चार प्रतिशत तथा मुद्धती निक्षेपमा ५ प्रतिशत देखि अधिकतम १०.५ प्रतिशतसम्म ब्याज दिने जनाएको छ ।
बैंकले अधिकतम १३ दशमलव ३७ प्रतिशतसम्म ब्याजदरमा कर्जा उपलब्ध गराउने जनाएको छ । बैंकले अधार दरमा २.०७ प्रतिशतदेखि ६.०७ प्रतिशतसम्म थपेर कर्जा उपलब्ध गराउने जनाएको छ । जोखिम बापतको थप दुई प्रतिशत प्रिमयम लिनसक्ने पनि बैंकले उल्लेख गरेको छ ।

comments powered by Disqus

अब निक्षेप सदस्यबाटै घरयासी नामसारी हुने, यस्ता छन् आवश्यक कागजात

Oct 20, 2018

सिडिएस एण्ड क्लियरिङ्ग लिमिटेडले धितोपत्र केन्द्रीय निक्षेप सेवा विनियमावलीलाई तेस्रो पटक संसोधन गर्दै शेयर नामसारी प्रणालीलाई सहज बनाएको छ। शेयर लगानीकर्ताले घरयासी र मृत्यु नामसारीका लागि आफूले हितग्राही खाता खाेलेकाे लाइसेन्सप्राप्त निक्षेप सदस्य (डीपी) बाटै आवश्यक प्रक्रिया पूरा गरेर नामसारी सेवा लिनसक्ने सिडिएससीले जनाएको छ ।