कम्पनीले गत आर्थिक वर्षमा ५५ करोड ९ लाख रुपैयाँ नाफा गरेको छ । यो नाफा अघिल्लो बर्षको तुलनामा ३१ करोड ३९ लाख बढी हो । अघिल्लो वर्षको सोही अवधिमा बीमा कम्पनीको नाफा २३ करोड ७० लाख रुपैयाँ थियो ।
कम्पनीले यस अवधिमा ८१ करोड २३ लाख रुपैयाँ आम्दानी गरेको छ । अघिल्लो वर्ष २९ करोड ९५ लाख रुपैयाँ आम्दानी गरेको थियो ।
बैंक ब्याजदर बढेको फाइदा कम्पनी पनि उठाएको छ । कम्पनीले तीन अर्ब ३५ करोड रुपैयाँ अल्पकालीन लगानी तथा कर्जा प्रवाह गरेको छ। जसबाट कम्पनीले ५४ करोड ५८ लाख रुपैयाँ आम्दानी गरेको छ। कम्पनीको बैंक मौज्दात २१ करोड ८२ लाख छ ।
कम्पनीले कुल १७ हजार २२० बीमालेख जारी गरेर ९३ करोड ७३ लाख रुपैयाँ बीमा शुल्क आर्जन गरेकोे छ भने समिक्षा अवधिमा ८ करोड २९ लाख रुपैयाँ दावी भुत्तानी गरेको छ ।
कम्पनीले खुद बीमा शुल्क बाट २२ करोड ६९ लाख रुपैयाँ आम्दानी गरेको छ । त्यस्तै खुद दाबी भुक्तानी ६ करोड ७१ लाख रुपैयाँ गरेको छ भने अझै ५४ करोड ४७ लाख रुपैयाँ भुक्तानी गर्न बाँकी छ।
२६ करोड ६६ लाख रुपैयाँ चुक्ता पूँजी भएको कम्पनीले प्रतिसेयर आम्दानी २०६ रुपैयाँ ६४ पैसा कायम गरेको छ भने प्रतिसेयर नेटवर्थ ८७६ रुपैयाँ छ । नेटवर्थ बढी हुनेमा पनि राष्ट्रिय बीमा कम्पनी अग्रस्थानमा देखिएको छ । बीमा समितिले दिएको निर्देशन अनुसार कम्पनीलाई पूँजी बढाउनु पर्ने बाध्यता छ ।समितिको निर्देशन अनुसार उसले एक अर्ब पूँजी कायम गर्नुपर्नेछ ।
कम्पनीको जगेडा कोषमा दुई अर्ब ७ करोड रुपैयाँ सञ्चीत छ। त्यस्तै बीमाकोषमा एक अर्ब ३५ करोड राखेको छ ।
