हकप्रद भर्न नचाहनेले भने आइतबार सेयर बिक्री गरेर हकप्रदको बोझबाट उन्मुक्त्ति पाउन सक्नेछन् ।
लघुवित्तले एक बराबर एक अनुपातमा ११ करोड ५० लाख रुपैयाँको ११ लाख ५० हजार कित्ता हकप्रद निष्काशन गर्न धितोपत्र बोर्डबाट साउन २४ गते बिहीबार अनुमति पाएको थियो।
हकप्रद जारी गर्न लघुवित्तले यसअघि नै एनआईसी एशिया क्यापिटलसँग हकप्रद निष्काशन सम्बन्धी सम्झौता गरिसकेको छ ।
लघुवित्तको हाल कायम चुक्ता पूँजी ११ करोड ५० लाख रहेको छ । शतप्रतिशत हकप्रद पश्चात स्वदेशीको चुक्त्ता पूँजी २३ करोड रुपैयाँ पुग्नेछ ।
गत आर्थिक वर्षमा स्वदेशीले ३ करोड ७७ लाख खुद नाफा आर्जन गरेर प्रतिसेयर आम्दानी ३२ रूपैयाँ ८ पैसा कायम गरेको छ । कम्पनीको सेयरमूल्य बिहीबार प्रतिकित्ता एक हजार पाँच सय रूपैयाँमा कारोबार भएको छ ।