लघुवित्तले निष्काशन गर्ने तीन लाख कित्ता आईपिओमध्ये १२ हजार कित्ता संस्थाका कर्मचारी र १५ हजार कित्ता सामूहिक लगानी कोषका लागि सुरक्षित गरिएको छ । सर्वसाधारण लगानीकर्ताले दुई लाख ७३ हजार कित्तामा लागि मात्र आवेदन गर्न पाउँँनेछन् ।
लघुवित्तको आईपिओमा न्युनतम ५० र बढीमा एक हजार पाँच सय कित्तासम्म आवेदन गर्न पाईनेछ । धितोपत्र निष्काशन तथा बाँडफाँड निर्देशिका बमोजिम प्रत्येक आवेदकलाई न्यूनतम दश कित्ता शेयर दमासहिले वितरण गर्नुपर्ने हुन्छ । यसो हुँदा दश कित्ता आईपिओ नै गोलाप्रथाबाट पाउनुपर्ने भएकाले ५० कित्ता भन्दा बढी आवेदन गर्नु फाईदाजनक देखिन्न ।
लगानीकर्ताले धितोपत्र बोर्डबाट अनुमति प्राप्त सम्पूर्ण सि आश्वा सदस्य रहेका बैंक तथा वित्तिय संस्थाबाट ७७ जिल्लाबाट तथा मेरो शेयर सफ्टवेयरको प्रयोग गरेर पनि आवेदन गर्न सक्नेछन् ।
धितोपत्र निष्काशन तथा बिक्री प्रवन्धकमा नेपाल एसबीआई मर्चेन्ट बैंकिङ्ग लिमिटेड रहेको छ । आईपीओ निष्कासन मंसिर ५ गते बन्द हुने बिक्री प्रवन्धक एसबीआई मर्चेन्टले जनाएको छ ।
मंसिर २ गतेदेखि आईपिओ निष्काशन गर्न लागेको लघुवित्तको यस्तो छ प्रगति
७ करोड रुपैयाँ चुक्ता पूँजी रहेको कम्पनीको आईपिओ निष्काशन पश्चात दश करोड रुपैयाँ चुक्ता पूँजी पुग्नेछ । त्यस्तै संस्थापक लगानीकर्ताको ७० प्रतिशत तथा साधरण लगानीकर्ताको ३० प्रतिशत शेयर स्वामित्व कायम हुनेछ ।
नेपाल राष्ट्र बैंकबाट ‘घ’ वर्गको इजाजतपत्र प्राप्त यस वित्तीय संस्थाले २०७० साल चैतबाट कारोवार गर्दै आएको छ।
गत वर्षको माघमा आर्इपिओ. निष्काशन गर्न आह्वानपत्र प्रकाशन गरेपनि कमजोर संस्थागत सुशासन र वित्तीय विवरणमा कैफियत भेटिएपछि राष्ट्र बैंकको निर्देशनमा धितोपत्र बोर्डले कम्पनीलाई आइपिओ निष्काशनमा रोक लगाएको थियो ।