ट्रम्पले जनवरी १ गतेदेखि २ सय अर्ब डलरको चाइनाबाट आयात हुने सामानमा लाग्ने भन्सार १० प्रतिशतबाट बढाएर २५ प्रतिशत पुर्याउने निर्णयमा पनि ढिलाई नगरिने बताएका छन् ।
ट्रम्पले दुई देशका बीचमा कुनै पनि प्रकारको सम्झौता नभएको भन्दै २६७ अर्ब डलरको आयातलाई पनि करको दायरामा ल्याउने चेतावनी दिएका छन् ।
चिनियाँ राष्ट्रपति सि जिनपिङसँगको सम्मेलनको ४ दिन अगाडि ट्रम्पले शुल्क वृद्धिको बयान दिएका हुन् । अर्जेन्टिनामा ३० नोभेम्बर र १ डिसेम्बरमा जी–२० सम्मेलन हुदैँछ ।
अमेरिका र चीनमा बीच विगत केही महिनादेखि लगातार व्यापार युद्ध चलिरहेको छ । अमेरिकाले २५० अर्ब डलरको चाइनीज आयातित सामानमा आयात शुल्क लगाइसकेको छ । एप्पलको प्रोडक्ट यिनीहरुमा शामिल छैन ।
यद्यपी अमेरिकाले पहिले नै भनेको थियो कि, एप्पल वाच, एयपोड र अन्य सामानहरुमा असर पर्नेछ । तर हालसम्म यिनीहरुमा कर लगाइएको छैन । हाल एप्पलका सामग्रीहरु भन्सारबाट मुक्त रहदै आएका छन् ।
अमेरिकी राष्ट्रपति ट्म्पले सोमबार उक्त बयान दिएसँगै काराबारको केही समयमा नै एप्पलको शेयरमा २ प्रतिशतले गिरावट आएको थियो । एजेन्सी