गत आर्थिक वर्षको दोस्रो त्रैमासमा बैंकले १४ करोड २५ लाख रुपैयाँ खुद नाफा कमाएको थियो ।
बैंकले निक्षेप संकलन तथा कर्जा विस्तारमा उल्लेख्य सुधार गर्दे खराब कर्जा घटाएर प्रतिशेयर आम्दानीमा समेत सुधार गरेको छ ।
बैंकले यस अवधिमा २३ अर्ब ५८ करोड ४८ लाख रुपैयाँ निक्षेप संकलन गरेर २० अर्ब ३३ करोड ३९ लाख रुपैयाँ कर्जा परिचालन गरेको छ । यस्तै बैंकले २ अर्ब २ करोड ७३ लाख रुपैयाँ सापटी लिएको छ । बैंकले निक्षेप संकलन ७५.२७, कर्जा परिचालन ६३.३१ र सापटी ३३५ प्रतिशतले बढाएको हो ।
नोट:रकमलाई हजारमा देखाइएको छ ।
व्यवसाय विस्तारमा उच्च प्रगति गरेको यस बैंकको खुद ब्याज आम्दानीमा पनि ३६.६३ प्रतिशतको सुधार भएको छ । गत आर्थिक वर्षको ३४ करोड १५ लाख खुद ब्याज आम्दानी कमाएको बैंकको आम्दानी ४६ करोड ६६ लाख पुगेको हो । यस अवधिमा एक अर्ब ४० करोड रुपैयाँ व्याज आम्दानी गरि ९३ करोड ३७ लाख ब्याज खर्च गरेको हो ।
बैंकको चुक्ता पूँजी २ अर्ब ५९ रुपैयाँमा स्थिर रहेको छ । बैंकको जगेडा कोषमा भने ८६.७० प्रतिशतले सुधार भई ४५ करोड ७४ लाख रुपैयाँ सञ्चित हुन पुगेको छ ।
गत वर्ष १० रुपैयाँ ९९ पैसा रहेको प्रतिशेयर आम्दानी यस अवधिमा बढेर १३ रुपैयाँ १४ पैसा कायम छ ।
यस्तै खराब कर्जा अनुपातमा १.४२ बाट सुधार गरेर ०.५९ प्रतिशतमा झारेको छ । यस्तै बैंकको प्रति शेयर नेटवर्थ ११७ रुपैयाँ ६४ पैसा र मूल्य आम्दानी अनुपात १०.५० गुणा बढी छ । बैंक नुवाकाेटमा केन्द्रीय कार्यालय रहेकाे हाम्राे विकास बैंकलाइ प्राप्ती गर्ने अन्तम चरणमा रहेकाे छ ।
