अपि पावरले कमायो ५ करोड १० लाख खुद नाफा

Feb 11, 2019 Merolagani

अपी पावर कम्पनीले चालु आर्थिक वर्षको दोस्रो त्रैमासमा ५ करोड १० लाख रुपैंया खुद नाफा कमाएको छ। गत आर्थिक वर्षको यसै अवधिमा अपिले ३ करोड १३ लाख रुपैंया खुद नाफा कमाएको थियो ।

अपीले चालु आर्थिक वर्षको पहिलो त्रैमासमा ३ करोड ३ लाख ८८ हजार रुपैंया खुद नाफा कमाएको थियो । एक वर्षको अवधिमा अपीले विद्युत बिक्रीबा हुने आम्दानी ७ करोड ९४ लाख रुपैंयाबाट बढाएर १० करोड ६२ लाख रुपैंया पुर्याएको छ ।

रोयल्टी, सञ्चालन खर्च र प्रसाशनिक खर्चमा आएको बढोत्तरीले कम्पनीको खुद नाफाको बढोत्तरीमा सुस्तता देखाएको हो । १ अर्ब १३ करोड ४० लाख रुपैंया चुक्ता पूँजी रहेको अपीको जगेडा कोषमा ११ करोड २३ लाख रुपैंया सञ्चित छ ।

प्रतिशेयर आम्दानी ९ रुपैंया रहेको अपीको मूल्य आम्दानी अनुपात १६.५३ गुणाले बढी छ ।

comments powered by Disqus

नेप्सेमा यस साता २ करोड १७ लाख कित्ता शेयर भयाे सूचीकरण, ८३ लाख ६४ हजार कित्ता बोनस

Feb 16, 2019

नेपाल स्टक एक्सचेञ्जमा यस हप्ता ६ कम्पनीको दुई करोड १७ लाख ७६ हजार २७६ दशमलव ६६ कित्ता शेयर कारोबारका लागि सूचीकृत भएका छन् ।