यस योजना अर्न्तगत बैंकको कुनै पनि ग्राहकले डेबिट तथा क्रेडिट कार्ड प्रयोग गरि पस (POS) वा अनलाईन मार्फत कारोबार गरेमा पाँच सय रुपैयाँदेखि एक हजार रुपैयाँसम्म नगद बैंकले उक्त ग्राहकको खातामा जम्मा गरिदिने जनाएको छ ।
पाँच हजार रुपैयाँदेखि दश हजार रुपैयाँसम्मको पस वा अनलाइनमा भएको कारोबारमा ५०० रुपैयाँ क्यास ब्याक दिइने र दश हजार देखि १५ हजारसम्मको कारोबारमा ७५० रुपैयाँ क्यास ब्याक तथा १५ हजार भन्दा माथिको कारोबारमा एक हजार रुपैयाँ क्यास ब्याक दिइने बैंकले जनाएको छ ।
यस योजनाले सनराइज बैंकका सम्पूर्ण डेबिट तथा क्रेडिटकार्ड ग्राहक वर्गलाई लाभान्वित बनाउने आशा बैंकले लिएको छ। साथै भविष्यमा थप सेवा सुविधा ग्राहक माझ ल्याउन सन्राइज बैंक प्रतिबद्द रहेको बताएको छ।
सबै क्षेत्र र वर्गसम्म बैंकिङ्ग सेवाको पहुँच पुर्याउने उद्धेश्यले बैंकले १०३ वटा शाखा, २८ वटा शाखारहित बैंकिङ्ग सेवा, ३ वटा एक्सटेन्सन काउण्टर, ११७ वटा ए.टि.एम मार्फत आफ्ना ५ लाखभन्दा बढि ग्राहकहरुलाई सेवा प्रदान गर्दै आइरहेको छ।
