राष्ट्रसेवक कर्जाबापत सेवाग्राहीको खातामा निकासा भएको रकम निकाल्न नमिल्ने गरी सुनारले रोक्का राखेको र रोक्का खुलाई दिन घुस मागेको अख्तियारद्धारा अदालतमा पेश गरेको आरोप पत्रमा उल्लेख छ ।
रोक्का खाता खोल्ने प्रयोजनको लागि सेवाग्राहीसँग सुनारले घुस रकम मागेको गुनासो पछि उनी बिरुद्ध आयोगको बुटवल कार्यालयले स्टीङ अप्रेशन चलाएको अख्तियारका प्रवक्ता प्रदीपकुमार कोइरालाले जानकारी दिए । कनिष्ट सहायक अन्चल सुनार घुस रकमसहित पक्राउ परेका थिए ।
उनी माथि भ्रष्टाचार निवारण ऐन, २०५९ को दफा ३ को उपदफा (१) को कसुर भएको सप्रमाण पुष्टि हुन आएको भन्दै अख्तियारले बिगो कायम गरी भ्रष्टाचार निवारण ऐन, २०५९ को दफा ३ को उपदफा (१) र दफा ३ को उपदफा (१) को (क) बमोजिम सजाय मागदाबीसहितको आरोप पत्र विशेष अदालत काठमाडौंमा दायर गरेको छ ।
