नेपालमा पश्चिमी न्यून चापिय प्रणालीको प्रभावले बुधबार तथा बिहीबार देशभर सामान्यदेखि पूर्ण बदली रही पश्चिम र मध्यका केही स्थानहरुमा हल्कादेखि मध्यम वर्षाको सम्भावना रहेको महाशाखाको पूर्वानुमान छ। देशको पूर्वी भू–भागमा हल्का वर्षाको सम्भावना रहेको महाशाखाले बताएको छ। यसका साथै देशका उच्च पहाडी तथा हिमाली भू–भागका केही स्थानहरुमा मध्यम देखि भारी हिमपात हुने सम्भावना रहेको महाशाखाले बताएको छ।
महाशाखाले शुक्रबार दिउँसो देशका पूर्वी र मध्य पहाडी भू–भागमा आंशिक देखि सामान्य बदली रही बाँकी स्थानहरुमा मौसम सामान्यतया सफा रहने बताएको छ। तर, मध्य र पूर्वी पहाडी भू–भागका एक–दुई स्थानमा हल्का वर्षाको सम्भावना रहेको महाशाखाको भनाई छ।
आगामी २४ घण्टामा देशका केही स्थानहरुमा वर्षा तथा हिमपातको सम्भावना रहेको र यसैको कारण जाडो बढ्ने हुनाले चिसोबाट जोगिने उपाय अपनाउन महाशाखाले अनुरोध गरेको छ।
