नेपालमा पश्चिमी न्यून चापीय प्रणालीको प्रभावले आज बिहीबार मध्य तथा पश्चिमी भूभागका केही स्थानहरुमा हल्कादेखि मध्यम वर्षा हुने सम्भावना रहेको विभागले जनाएको छ। त्यसैगरी, मध्य तथा पश्चिमी उच्च पहाडी तथा हिमाली भेगका केही स्थानहरुमा भारी हिमपातको सम्भावना रहेको विभागले जनाएको छ।
त्यसैगरी, शुक्रबार देशका केही स्थानहरुमा हल्कादेखि मध्यम वर्षाको सम्भावना रहेको र मध्य तथा पूर्वी उच्च पहाडी तथा हिमाली भेगका केही स्थानहरुमा भारी हिमपातको सम्भावना रहेको विभागले बताएको छ।
माघ ४ गते शनिबार पश्चिमी भूभागका थोरै स्थानहरुमा हल्का वर्षा हुने र पश्चिमी उच्च पहाडी तथा हिमाली भेगका केही स्थानहरुमा हल्कादेखि मध्यम हिमपातको सम्भावना रहेको विभागको पूर्वानुमान छ।
वर्षा र हिमपातको सम्भावना रहेकोले चिसोबाट बच्न सर्वसाधारणलाई विभागले अनुरोध गरेको छ।
