गत आर्थिक वर्षको सोही अवधिसम्ममा कम्पनीले ९ करोड ४१ लाख रुपैयाँ खुद नाफा आर्जन गरेको थियो ।
समीक्षा अवधिमा कम्पनीको खुद बीमाशुल्क पनि बढेको छ । चालु आर्थिक वर्षको चैत मसान्तसम्ममा कम्पनीको खुद बीमाशुल्क ४३.२४ प्रतिशतले बढेर ५२ करोड २ लाख रुपैयाँ पुगेको छ । गत आर्थिक वर्षको चैत मसान्तसम्मा कम्पनीले ३६ करोड ३१ लाख रुपैयाँ मात्रै खुद बीमाशुल्क आर्जन गरेको थियो ।
यस्तै कम्पनीले पुनर्बीमा कमिशन वापत १७ करोड ९० लाख रुपैयाँ, लगानी कर्जा तथा अन्य आयबाट ४ करोड ३८ लाख रुपैयाँ आम्दानी गरेको छ ।
चुक्ता पूँजी १ अर्ब रुपैयाँ रहेको कम्पनी र युनाइटेड इन्स्योरेन्सबीच मर्जर सम्बन्धी सम्झौता भएका छन् । बीमा प्राधिकरणको निर्देशन अनुसार पूँजी बढाउन बाध्य भएपछि दुई कम्पनीबीच मर्जर सम्झौता भएको हो ।
यस्तै कम्पनीको जगेडा कोषमा २० करोड ३८ लाख रुपैयाँ, बीमा कोषमा २२ करोड ३९ लाख रुपैयाँ र महाविपत्ती कोषमा २ करोड २ लाख रुपैयाँ सञ्चित रहेको छ ।
यस अवधिमा कम्पनीको प्रतिशेयर आम्दानी १३ रुपैयाँ ६९ पैसा, प्रतिशेयर नेटवर्थ १४४ रुपैयाँ ८१ पैसा र मूल्य आम्दानी अनुपात ३१.४० गुणा रहेको छ ।
