एशियन लाइफको शेयर बजारमा २ अर्ब १० करोड लगानी, प्रभु बैंकको संस्थापक शेयरमा सबैभन्दा बढी लगानी, अन्यमा कति ?

Mar 19, 2024 06:22 AM Merolagani

एशियन लाइफ इन्स्योरेन्स (ALICL) ले आर्थिक वर्ष २०७९/८० मा २ अर्ब १० करोड रुपैयाँ रकम विभिन्न कम्पनीको शेयरमा लगानी गरेको छ। कम्पनीको आव २०७९/८० को १६ औं वार्षिक प्रतिवेदन अनुसार वाणिज्य बैंक, विकास बैंक, फाइनान्स, हाइड्रोपावर, माइक्रोफाइनान्स, इन्स्योरेन्स र अन्य गरेर २ अर्ब १० करोड रुपैयाँ लगानी गरेको छ।

आर्थिक वर्षको अन्तिम दिनको फेयर भ्यालु अनुसार एशियन लाइफमा ५ करोड ४१ लाख ९० हजार ५ सय २७ रुपैयाँ नाफामा देखिन्छ जुन लागत मूल्यमा ३ प्रतिशत मात्रै हो ।

कम्पनीले अघिल्लो वर्ष भने शेयर बजारको लगानीबाट राम्रो मुनाफा गरेकाे छ । वार्षिक प्रतिवेदन अनुसार आव २०७८/७९ मा १ अर्ब ५८ करोड ७५ लाख ८७ हजार ५ सय ७० रुपैयाँ लगानी गरेकोमा वर्षको अन्तिममा लगानीको फेस भ्यालु २ अर्ब ५८ करोड ८६ लाख ६८ हजार ८ सय १६ रुपैयाँ पुगेको छ । एशियन लाइफको गत आर्थिक वर्षको लगानी फेयर भ्यालुमा ६३ प्रतिशतले वृद्धि भएको छ ।

कम्पनीले सबैभन्दा धेरै बैंक तथा वित्तीय संस्थाको शेयरमा लगानी गरेकाे छ । विभिन्न वाणिज्य बैंक, विकास बैंक र फाइनान्सको गरी करिब २४ वटा कम्पनीको संस्थापक र साधारण शेयरमा गरी एसियन लाइफले १ अर्ब ५५ करोड रुपैयाँ भन्दा बढी लगानी गरेकाे छ । बैंक तथा वित्तीय संस्थामा पनि तुलनात्मक रुपमा सुरक्षित मानिएको वाणिज्य बैंकको शेयरमा सबैभन्दा बढी लगानी छ । कम्पनीले प्रभु बैंकको संस्थापकले बेचेको ७५ लाख कित्ता संस्थापक शेयर किनेकाे छ । वार्षिक प्रतिवेदन अनुसार प्रभु बैंकको ७५ लाख ६ हजार ३ सय २२ कित्ता संस्थापक शेयर १ सय ११ रुपैयाँ ५९ पैसामा खरिद गरेकाे छ । प्रभु बैंकको साधारण शेयर समेत १८० रुपैयाँ ५३ रुपैयाँ प्रति कित्तामा ५ लाख ३९ हजार १ सय २२ कित्ता खरिद गरेकाे हाे । प्रभ बैंक पछि दोस्रो धेरै कित्ता शेयर नेपाल इन्फ्रास्ट्रक्चर बैंकको ३७ लाख ८० हजार कित्ता शेयर प्रति कित्ता ९१ रुपैयाँ ३३ पैसामा खरिद गरेको वार्षिक प्रतिवेदनमा उल्लेख छ । ग्लोबल आईएमई बैंकको १ लाख ९५ हजार १ सय ६६ कित्ता शेयर प्रति कित्ता २ सय २५ रुपैयाँमा र सिद्धार्थ बैंकको १ लाख १२ हजार ८६ कित्ता शेयर प्रति कित्ता २९५ रुपैयाँ ४६ पैसामा खरिद गरेको छ ।

एसिएन लाइफले विभ्न्न १९ वटा लघुवित्त कम्पनीहरुमा २० करोड ३५ लाख रुपैयाँ बराबरको लगानी गरेको छ जसको फेयर भ्यालु वर्षको अन्तमा २५ करोड १ लाख ७५ हजार रुपैयाँ पुगेको छ । निर्धन उत्थान, ग्रामीण विकास बैंक र फर्वार्ड माइक्रोफाइनान्समा सबैभन्दा बढी लगानी गरेका छन् । फर्वार्ड माइक्रोफाइनान्सको संस्थापक शेयरमा ८४ हजार ३ सय ७५ कित्ता, निर्धन उत्थान लघुवित्तमा ३१ हजार ४ सय ६२ कित्ता, ग्रामीण विकास बैंकमा ६६ हजार कित्ता र गणपति माइक्रोफाइनान्समा १५ हजार ६ सय ९७ कित्ता शेयर होल्डमा रहेको छ ।

एशियन लाइफले हाइड्रोपावर क्षेत्रका थोरै कम्पनीमा मात्रै लगानी गरेका छन् । अपि पावर, सिनर्जी पावर, चिलिमे हाइड्रोपावर र ङादी हाइड्रोपावर गरी चार वटा हाइड्रोपावरमा मात्रै एसियन लाइफको लगानी देखिन्छ । त्यसमध्ये सबैभन्दा धेरै ४१ हजार २ सय २२ कित्ता ङादी हाइड्रोपावर कम्पनीको शेयर होल्ड गरेको प्रतिवेदनमा देखिन्छ । कम्पनीले हाइड्रोपावर क्षेत्रमा ७७ लाख रुपैयाँ लगानी गरेकोमा गत आवको अन्त्यसम्मको फेयर अनुसार लगानीको भ्यालुएसन १ करोड ७५ हजार पुगेको छ ।

एशियन लाइफले बीमा क्षेत्रका कम्पनीको शेयरमा साढे ९ करोड रुपैयाँ बराबरको लगानी रहेको छ । कम्पनीले आईएमई जनरल इन्स्योरेन्सको २३ हजार ३ सय ४७ कित्ता, नेको इन्स्योरेन्सको ५ हजार २४ कित्ता, सिद्धार्थ प्रिमियम इन्स्योरेन्सको ४ हजार ९ सय ७४५ कित्ता शेयर रहेको छ । सबैभन्दा बढी नेपाल इन्स्योरेन्सको ८ लाख ७९ हजार ४ सय ५६ कित्ता संस्थापक शेयरमा लगानी छ । त्यसैगरी नेपाल रिइन्स्योरेन्सको शेयरमा समेत एसियन लाइफको लगानी रहेको छ ।

त्यसैगरी अन्य क्षेत्रका कम्पनीहरुमा नागरिक लगानी कोषको ३ लाख १८ हजार कित्ता, नेपाल टेलिकमको १४ सय ४१ कित्ता, हाइड्रोइलेक्ट्रिसिटी इन्भेष्टमेन्टमेन्ट एन्ड डेभलपमेन्ट कम्पनीको ३५ हजार कित्ता शेयर एवम कम्पनीकै १ लाख ५ हजार संस्थापक शेयर र हिमालयन डिष्टीलरीको २ हजार ४ सय १९ कित्ता शेयर रहेको छ ।

 
comments powered by Disqus

२२२ रुपैयाँको लागि बालेन र राजेन्द्र लिङदेनबीच चर्काचर्की, निर्णय फिर्ता नलिए बालेन विरुद्ध अदालत जाने लिङदेनको चेतावनी

Apr 15, 2024 06:13 PM

 भनिन्छ, व्यक्तिगत ‘इगो’ भयो भने मानिस जस्तोसुकै सानो घटनालाई पनि प्रतिष्ठाको विषय बनाउँछ र अर्काे पक्षको विरुद्ध जाइलाग्छ । काठमाडाैं महानगरपालिकाका प्रमुख बालेन्द्र साह (बालेन) र राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङदेनबीच शुरु भएको २२२ रुपैँयाको विवादले त्यही कुरालाई पुष्टि गरेको छ ।