अर्थमन्त्रालयबाट स्वीकृत भएपछि युरो सिक्स मापदण्डको फाइल अध्ययनका लागि भौतिक पूर्वाधार मन्त्रालयमा पुगेको थियो । यातायात मन्त्रालयले पनि हालै प्रक्रिया अघि बढाउन स्वीकृति दिएपछि वन तथा वातावरण मन्त्रालयले अगामी हप्ता मन्त्रीपरिषदमा पठाउने तयारी गरेको छ ।
हाल नेपाल भित्रिने प्यासेन्जर सेग्मेन्टका गाडी यूरो सिक्स मापदण्ड मै आधारीत भएर आउने भएपनि ठूला कमर्शियल गाडी भने युरो ३ मापदण्डमै नेपाल आउने गरेका छन ।
नयाँ सत्ता समिकरण परिवर्तन भएपछि वन तथा वातावरण मन्त्रालयमा नवल किशोर साह मन्त्री भएका छन । वन तथा वातावरण मन्त्रालयका सीडीई शिवजी शर्माका अनुसार नयाँ मन्त्रीलाई यूरो सिक्सको बिषयमा रिपोर्टिङ भएको छ ।
‘अर्थमन्त्रालय र भौतिक पूर्वाधार मन्त्रालयको सहमति भएपछि केहि दिनमै मन्त्रीपरिषदमा पठाउन मन्त्रीज्यु सकारात्मक हुनुहुन्छ,’ उनले भने ‘गाडी बिक्रेता व्यवसायीहरुलाई युरो सिक्स मापदण्ड कार्यान्वयन गराउन ६ महिनाको समय दिने प्रारम्भिक छलफल भएको छ,’ शर्माले भने ।
व्यवसायीहरु पनि समय नदिई नयाँ सवारी प्रदुषण मापदण्ड लागू गर्न नसकिने भन्दै प्रधानमन्त्री तथा मन्त्री तहसम्म लबिङ्मा छन । सवारी बिक्रेताका संगठन नाडा अटोमोबाइल एसोसियसन नेपालको पदाधिकारीले केहि दिन अघि यातायात मन्त्री रघुविर महासेठ तथा अर्थमन्त्रीलाई यस बारेमा रिपोर्टिङ गरेको थियो ।
नाडाका अध्यक्षले पनि नेपालका लागि अर्डर भइसकेको गाडीका लागि भने सरकारले थप समय दिनुपर्ने माग राख्दै आएका छन ।