मंगलबार करिब डेढ घण्टाको कारोबारमा २६ हजार भन्दा बढी कित्ताको कारोबार भइसकेको छ । सर्वोत्तम सिमेन्टको आइपीओमा करिब ५५ हजार लगानीकर्ताले ५० कित्ताको दरले शेयर पाएका थिए । लगानीकर्ताले शेयर भर्न प्रति कित्ता ३ सय ६० रुपैयाँ ९० पैसाका दरले ५० कित्ता शेयर भर्न १८ हजार ४५ रुपैयाँ लगानी गरेका थिए । आजको मूल्यमा शेयर बेच्ने सर्वोत्तम सिमेन्टका लगानीकर्ताले २४ हजार ४ सय १९ रुपैयाँ ४३ पैसा खुद मुनाफा गरेका छन् । लगानीकर्ताले पुँजीगत लाभकर बापत् १ हजार ९ सय ७९ रुपैयाँ ९५ पैसा, ब्रोकर कमिसन १ सय ७९ रुपैयाँ २ पैसा, सेबोन शुल्क ६ रुपैयाँ ७१ पैसा, डीपी शुल्क २५ रुपैयाँ समेत कटाएपछि ४२ हजार ५ सय ६४ रुपैयाँ ३१ पैसा प्राप्त गर्न सक्नेछन् ।