गण्डकीको गोरखा जिल्लामा निर्माण हुन लागेको ३४०.४२३ मेगावाटको बूढीगण्डकी आंशिक जलाशययुक्त जलविद्युत् आयोजनाको विद्युत् खरिद सम्झौता (पिपिए) को लागि नेपाल विद्युत् प्राधिकरणले आयोग समक्ष पेस गरेको निवेदनमा आयोगले सरोकारवाला पक्षलाई बोलाएर सार्वजनिक सुनुवाई गरेको हो ।
कार्यक्रममा विभागका अध्यक्ष डिल्लीबहादुर सिंहले विद्युत नियमन आयोगले जलविद्युत आयोजना निर्माणको लागि कम्पनी ले मागेका स्वीकृतिमा तत्कालै निर्णय गर्ने गरेको र यसले निजी उर्जा प्रवद्र्धकहरुले सहज महसुस गरेको बताए। उनले नियम–कानुनले मिल्ने भएसम्म जलविद्युत आयोजनाको कुनै पनि काम नरोक्ने बताए।
विद्युत नियम आयोले स्वीकृति दिएपछि विद्युत खरिद बिक्री सम्झौता गरिने विद्युत् प्राधिकरणका निर्देशक राजन ढकालले बताए ।
बुढिगण्डकी आयोजना गोरखा जिल्लाको चुमनुब्री र धार्चे गाउँपालिकामा निर्माण हुनेछ । आयोजना सम्पन्न गर्न ५ हजार ५ सय ५७ करोड रुपैयाँ लागत अनुमान गरिएको छ । आयोजनाको प्रतिमेगावाट लागत १६ करोड २९ लाख ८८ हजार रुपैयाँ हुन छ।
आयोजना सम्पन्न गरी २०८५ चैतदेखि व्यवसायिक उत्पादन गर्ने कम्पनीको लक्ष्य छ ।
