सामसङ बन्याे शीर्ष स्मार्टफोन ब्राण्ड, एप्पलले गुमायाे ताज, आईफोन निर्यातमा १०% गिरावट

Apr 16, 2024 01:00 PM Merolagani

महँगो फोन बनाउने एप्पलले विश्वको शीर्ष स्मार्टफोन ब्राण्डको ताज गुमाएको छ । हाल सामसङ नम्बर वान ब्राण्ड बन्न सफल भएकाे छ । 

आईडीसीको प्रतिवेदन अनुसार गत वर्षको तुलनामा यस वर्षको जनवरी–मार्चमा आईफोनको निर्यात १० प्रतिशतले घटेको छ । साे वर्षमा सामसङको बजार हिस्सा २०.८५ र एप्पलको १७.३५ थियो।

चीनमा प्रतिबन्धका कारण आईफोन उत्पादन गर्ने कम्पनीको शेयर घट्याे

सामसङले हालै ग्यालेक्सी एस२४ सार्वजनिक गरेको कारण कम्पनीको बजार हिस्सा बढेको छ । जनवरी–मार्चमा यो फोनको कुल ६ करोड शिपमेन्ट गरिएको थियो । यस अवधिमा एप्पलको शिपमेन्ट ५.५४ करोडबाट घटेर ५.०१ करोडमा पुगेको छ ।

चीनमा आईफोनको बिक्री घट्याे

आईफोनको बिक्रीमा गिरावट हुनुकाे मुख्य कारण चीन रहेको छ । चीनमा आईफोनको बिक्री एक वर्षमा उल्लेखनीय रूपमा घटेको छ। अर्काेतर्फ चीनले आफ्नो स्मार्टफोनको प्रवर्द्धन पनि गरिरहेको छ । चीनले सरकारी अधिकारीहरूलाई आइफोन प्रयोग गर्न प्रतिबन्ध लगाएकाे छ।

एआईकालागि लगानीकर्ताहरूको पर्खाइ 

लगानीकर्ताहरूले एप्पलमा एआई अपडेटहरूकालागि पर्खिरहेका छन्। कम्पनीले यस वर्षको सुरुवातमा माइक्रोसफ्टबाट विश्वको सबैभन्दा मूल्यवान कम्पनीको ताज गुमाएको थियो।

एजेन्सीकाे सहयाेगमा ।

comments powered by Disqus

राजनीतिबाट विरक्तिएपछि पदबाट हटाइदिन अनुरोध गर्दै मन्त्री बुढा, नहटाए आफै राजीनामा दिने, अब कहिल्यै चुनाव नलड्ने

May 19, 2024 04:10 PM

मन्त्री बन्नको लागि राजनीतिक पार्टीका नेताहरुबीच निकै चर्काे हानथाप हुने गर्छ । तर, अहिले एकजना त्यस्ता मन्त्री भेटिएका छन्, जस्ले आफूलाई ‘मन्त्री हुने रहर पुग्यो, मलाई हटाएर अर्काेलाई मन्त्री बनाइदेउ’ भन्दै पार्टी नेताहरुसँग हार गुहार गरेका छन् ।