युनाइटेड अजोड इन्स्योरेन्सले हकप्रद जारी गरी पूँजीवृद्धि गर्ने

May 24, 2024 10:41 AM Merolagani

युनाइटेड अजोड इन्स्योरेन्स लिमिटेड (UAIL) ले हकप्रद शेयर जारी गर्ने भएको छ। इन्स्योरेन्सले हाल कायम चुक्ता पूँजीको १५ प्रतिशतका दरले हकप्रद शेयर जारी गर्ने घोषणा गरेको छ।

इन्स्योरेन्सको जेठ ९ गते बसेको सञ्चालक समितिको बैठकले १०० बराबर १५ अनुपात अर्थात हल कायम १०० कित्ताबापत नयाँ १५ कित्ताका दरले हकप्रद शेयर निष्काशन गर्ने निर्णय गरेको हो।

नेपाल बीमा प्राधिकरणबाट स्वीकृत भई आगामी वार्षिक साधारण सभाले पारित गरेपश्चात इन्स्योरेन्सले सो दरमा हकप्रद शेयर निष्काशन गर्नेछ।

हाल इन्स्योरेन्सको चुक्ता पूँजी २ अर्ब १० करोड रुपैयाँ रहेको छ। हकप्रद पछि इन्स्योरेन्सको चुक्ता पूँजी २ अर्ब ४१ करोड ५० लाख रुपैयाँ पुग्नेछ।

comments powered by Disqus

टप ब्रोकरको रोजाईमा कुन कम्पनी ?

Jul 18, 2024 06:13 AM

शेयर बजार बढेसँगै पछिल्लो समय कारोबार रकममा समेत उछाल आउन थालेको छ । बुधबार नेप्से परिसुचक ५४.०४ अंकले बढेर २३ सय ६४ दशमलब ६३ विन्दुमा पुग्दा १२ अर्ब ५ करोड रुपैयाँको शेयर कारोबार भएको छ जुन ३५ महिना यताकै उच्च हो भने नेप्से परिसुचक समेत २६ महिना यताकै उच्च विन्दु हो ।