बेष्ट फाइनान्सले ३ लाख ५६ हजार ७४ दशमलव ५७ कित्ता र कुमारी बैंकले ५ लाख ८१ हजार २५१ कित्ता संस्थापक विक्रीमा ल्याएको हो ।
कुमारी बैंकको संस्थापक शेयर खरिद गर्न इच्छुकहरुले जेठ २९ गते अर्थात आजदेखि असार ४ गतेसम्म आवेदन गर्न सक्नेछन । त्यसैगरी, बेष्ट फाइनान्सको संस्थापक शेयर असार ४ गतेदेखि ११ गतेसम्ममा खरिद गर्न सकिने छ ।
उक्त दुवै कम्पनीको शेयरको मूल्य १०० रूपैयाँ तोकिएको छ । तोकिएको मूल्य वा सोभन्दा बढी मूल्य अकित गरी आवेदन पेश गर्न सकिनेछ । कुमारी बैंकको संस्थापक शेयर खरीदका लागि भने न्यूनतम एक लाख कित्तादेखि अधिकतम सम्पूर्ण कित्तासम्म माग गर्न सकिनेछ । कुमारी बैंकको शेयर खरीदका लागि शेयर विक्री प्रबन्धक कुमारी क्यापिटलमा आवेदन पेश गर्नुपर्नेछ ।
त्यसैगरी, बेष्ट फाइनान्सको न्यूतम एक हजार कित्तादेखि अकितम सम्पूर्ण कित्तासम्मको लागि आवेदन गर्न सकिनेछ । बेष्ट फाइनान्सको शेयर खरीदका लागि केन्द्रीय कार्यालय कमलादी, फाइनान्स क्म्पनीक शाखा कार्यालयहरू बुटवल, नेपालगञ्ज, दाङ , इटहरी, नारायणगढ, विरगञ्ज र पोखराबाट आवेदन दिन सकिनेछ । साथै ग्लोबल आइएमई बैंकको उपत्यका वाहिरका शाखा कार्यालयहरू सुर्खेत, धनगढीबाट पनि आवेदन पेश गर्न सकिनेछ ।
