मर्जरपश्चात सम्पदा लघुवित्तको वित्तीय अवस्था कस्तो?

Aug 14, 2024 04:17 AM Merolagani



सबैको लघुवित्त वित्तीय संस्था र साधना लघुवित्त वित्तीय संस्था लिमिटेडले मर्ज भइ बनेको सम्पदा लघुवित्त वित्तीय संस्था लिमिटेडले गत आर्थिक वर्षको चौथो त्रैमाससम्मको अपरिष्कृत वित्तीय विवरण प्रकाशित गरेको छ।

विवरण अनुसार गत आर्थिक वर्षको अन्त्यसम्ममा लघुवित्तले ८ करोड ६० लाख रुपैयाँ खुद नाफा कमाएको छ। सो अवधिसम्ममा लघुवित्तको खुद ब्याज आम्दानी ३० करोड ३० लाख रुपैयाँ रहेको छ भने खुद फि तथा कमिशन आम्दानी ६ करोड ४१ लाख रुपैयाँ रहेको छ। त्यस्तै, लघुवित्तको खुद सञ्चालन अम्दानी ३६ करोड ७१ लाख रुपैयाँ र सञ्चालन मुनाफा १२ करोड २८ लाख रुपैयाँ रहेको छ।

असार मसान्तसम्ममा लघुवित्तको खराब कर्जा ४.८० प्रतिशत बढेको छ। सो अवधिसम्ममा लघुवित्तको इम्पेरमेन्ट चार्ज ७५ लाख रुपैयाँ रहेको छ।

७० करोड ८ लाख रुपैयाँ चुक्ता पूँजी रहेको यस लघुवित्तको रिटेन्ड अर्निङ्ग १ करोड ७० लाख रुपैयाँ ऋणात्मक रहेको छ भने जगेडा कोष २९ करोड ८ लाख रुपैयाँ रहेको छ।

गत आर्थिक वर्षको अन्त्यसम्ममा लघुवित्तको प्रतिशेयर आम्दानी १२ रुपैयाँ २७ पैसा, प्रतिशेयर नेटवर्थ १३९ रुपैयाँ ७ पैसा र मूल्य आम्दानी अनुपात ८६.९६ गुणा रहेको छ।




मेयर बालेनले ‘स्टण्ट’ गर्न असम्वन्धित व्यक्तिलाई पत्र काटेको ठहरसहित निर्मल निवासले जवाफ नदिने, जरिवाना पनि नतिर्ने !

Mar 29, 2025 06:54 PM

तीनकुनेमा शुक्रबार प्रदर्शनका क्रममा भएको क्षतिको जरिवाना भन्दै महानगरपालिकाले पत्र काटेपनि पूर्वराजाले भने त्यो जरिवाना नतिर्ने भएका छन् । ‘महानगरपालिकाले आइतबार बुझाउने भनेकोमा जुनसुकै कारण देखाएपनि उक्त जरिवाना श्री ५ बाट तिर्ने कुरै हुँदैन’ पूर्वराजा ज्ञानेन्द्र शाह निकट स्रोतले मेरो लगानीसंग भन्यो ।