यो पूर्णतया नयाँ मोटरसाइकल हो। यसको अर्थ इन्जिनदेखि डिजाइन र चेसिससम्म याे बाइकमा सबै नयाँ छन् । बजाज पल्सर एन १२५को लागि बुकिङ भारतमा सुरु भइसकेको छ र डेलिभरी चाँडै सुरु हुने कम्पनीले जनाएकाे छ।
याे बाइककाे मूल्य ९४ हजार ७०७ भारतीय रुपैयाँ (एक्स-शोरुम, दिल्ली)मा ताेकिएको छ। यसमा टप भेरियन्टको मूल्य ४ हजार भारूले बढी छ ।
इन्जिन पावर र गियरबक्स
बजाजले पल्सर एन १२५ मा पूर्णतया नयाँ इन्जिन जडान गरेको छ । यो १२४.५८ सीसी, एयर कुल्ड, सिंगल सिलिन्डर इन्जिनले ८,५०० आरपीएममा १२ बीएचपी पावर र ६,००० आरपीएममा ११ एनएमकाे टर्क जेनेरेट गर्छ। यसलाई पाँच-स्पीड गियरबक्ससँग जोडिएको छ।
लुक र डिजाइन
लुक र डिजाइनको कुरा गर्दा, यस बाइकको स्टाइल अघिल्लो बजाज पल्सरभन्दा फरक छ । नयाँ बजाज पल्सर एन१२५मा आक्रामक डिजाइन छ। जसमा माथि डिजिटल इन्स्ट्रुमेन्ट कन्सोलसँगै त्रिकोणीय एलईडी हेडल्याम्प, ट्याङ्क एक्सटेन्सन र भएको २-पीस सिट समावेश छन्। यसमा शार्प लाइन्स र कैयाैं फ्लोटिंग प्यानलहरू छन्। यस बाइककाे अगाडि भागमा धेरै हदसम्म भिजुअल अपील छ, तर टेल सेक्सन अगाडि भन्दा अलि पातलो छ।
फीचर्स
बजाजले यो बाइकलाई एलईडी डिस्क र एलईडी डिस्क बीटी गरी दुई भेरियन्टमा उपलब्ध गराएको छ । बेस भेरियन्टमा साँघुरो रियर टायर, सानो एलसीडी र परम्परागत सेल्फ स्टार्टर छ। टप स्पेस बाइकमा बोल्ड कलर, ब्लुटुथ कनेक्टिभिटी भएको ठूलो एलसीडी, फराकिलो रियर टायर र साइलेन्ट स्टार्टका लागि इंटिग्रेटेड स्टार्टर जेनेरेटर वा आईएसजी छ। यसमा सकेसम्म धेरै इन्धन बचत गर्न स्विच गर्न मिल्ने अटो स्टार्टरस्टपकाे सुविधा पनि पाउन सकिनेछ।
ब्रेकिङ र सस्पेन्सन
शार्प बडीवर्कको मुनि नयाँ फ्रेम छ जसले इन्जिनलाई स्ट्रेस्ड मेम्बरका रूपमा प्रयोग गर्दछ। यसलाई टेलिस्कोपिक फोर्क र प्रिलोड एडजस्टेबल मोनोशकद्वारा सस्पेन्ड गरिएको छ। यो बाइक १७ इन्चको पाङ्ग्रामा चल्ने कम्पनीकाे भनाइ छ । यसैगरी, ब्रेकिङको लागि अगाडि डिस्क ब्रेक र पछाडि ड्रम ब्रेक उपलब्ध छ।
भारतीय बजारमा यसको सेग्मेन्टमा, बजाज पल्सर एन१२५ बाइकले टिभिएस राइडर १२५ र हिरो एक्स्ट्रिम १२५आर र अन्य धेरै मोटरसाइकलहरूसँग प्रतिस्पर्धा गर्ने कम्पनीले जनाएकाे छ।
