सोही क्रममा केन्द्रीय बैंकले मंगलबार समस्यामा परेको सूचना सार्वजनिक गर्दै निक्षेप र कर्जा प्रवाहमा रोक लगाएको कर्णाली डेभलपमेन्ट बैंक बुधबार भने सर्किट लागेर बढेको थियो । राष्ट्र बैंकले समस्यामा रहेको सार्वजनिक सूचना प्रकाशित गर्दा पनि सर्किट लागेर बढेपछि सामाजिक सञ्जाललगायत सबैतिर आश्चर्यको रुपमा हेरिएको थियो ।
पछिल्लो समय वित्तीय अवस्था खराब भएका र चुक्ता पुँजी न्यून भएका कम्पनीहरुलाई केही निश्चित समूहले एक आपसमा खरिद बिक्री गरेर उच्च मूल्य कायम गर्ने गरिएको छ । बिहिबार भने कर्णाली डेभलपमेन्ट बैंकको सेयर मूल्य ६.८४ प्रतिशत अर्थात ५७.९० रुपैयाँले घट्दा ७ सय ८८ रुपैयाँ अन्तिम मूल्य कायम भएको हो । सर्वाधिक गुमाउँने कम्पनीको सूचीमा कर्णाली डेभलपमेन्ट बैंक परेको छ ।
