बुधबार बजार ५.६० अंकले घटेर २६२८.२६ विन्दुमा झरेको छ । बजारमा खासै रौनकता छैन । सूचकसँगै कारोबार रकममा आएकाे सुस्तको अवस्थामा लगानीकर्ताहरुले लगानी सम्बन्धी रणनीतिलाई परिवर्तन गर्नुपर्ने अवस्था देखिएकाेछ ।
बजारले बैंकिङ प्रणालीमा रहेको अधिक तरलता र घट्दोक्रमको ब्याजदरलाई समेत कुनै प्रतिकृया दिएको छैन । बजारको करेक्सन तथा साइडवेज यो चरण कति लगाउने हो भन्ने यकिन छैन । यद्यपि बजारमा लगानीकर्ताको घट्दो मनोबललाई उच्च पार्नका लागि सरोकारवाला निकायले सुधारका गतिविधी बढाउनु पर्ने देखिन्छ ।
