हाल नेपाल धितोपत्र बोर्डको पाइपलाइनमा आइपिओ निष्काशनको लागि ४२ वटा र हकप्रद निष्काशनको लागि ३० भन्दा बढी कम्पनीहरु छन् । ती कम्पनीहरु बाेर्डकाे स्वीकृतिको पखाईमा रहेका छन् । यसले ४५ हजार मेगावाट बराबरका जलविद्युत आयोजना प्रभावित भएको स्वतन्त्र ऊर्जा उत्पादकहरुको संस्था (इप्पान)का अध्यक्ष गणेश कार्कीले बताए ।
हाईड्रोपारमा झण्डै ६५ लाख सर्वसाधारण लगानीकर्ताको १५ खर्ब रुपैयाँ लगानी भएको छ । हाईड्रोपावर कम्पनीको आइपिओ निष्काशन ढिला सुस्ती हुँदा अन्य आयोजना निर्माण हुन नसक्दा उर्जा व्यवसाय संकुचनमा परेको छ । आम सर्वसाधारणको लगानी भएको क्षेत्रलाई सरकारले गम्भिरतापूर्वक लिनुपर्ने कार्कीको भनाइ छ ।
अर्कोतर्फ, नेपाल धितोपत्र बोर्डले आवश्यक प्रकृया पुर्याएका कम्पनीको आइपिओ निष्काशन नरोकिएको बोर्डका प्रवक्ता निरन्जय घिमिरेले बताए । बोर्डको पाइपलाईनमा रहेका कम्पनीहरुको प्रकृया पुर्याएर आइपिओ र एफपीओ निष्काशनको लागि अनुमति प्रदान गरिएको छ । तर कम्पनीको नेटवर्थ ९० भन्दा कम भएका कम्पनीलाई आइपिओ निष्काशनमा तत्कालको लागि रोक लगाएको घिमिरेको भनाइ छ ।
हाल लेखा समितिले ९० प्रतिशत रियल नेटवर्थ भएका आइपिओ जारी गर्नको लागि रोक्नको लागि निर्देशन दिएको छ ।
आइपिओ जारी गर्ने माग गर्दै बोर्ड समक्ष पुगेका कम्पनीहरु मध्ये ९० प्रतिशत नेटवर्थ भएका कम्पनी अत्यान्त कम छन् । ती कम्पनीहरुलाई स्वीकृति नगरेपनि अन्य कम्पनीहरुको शेयर निष्काशन रोक्न नहुने उनको धारणा रहेको छ । विगत डेढ वर्षदेखि स्वीकृतिको पखाईमा बसेका कम्पनीको आइपिओ के कारण रोकिएको छ भन्ने बारेमा बोर्डले कुनै जानकारी नदिएको कार्कीले बताए ।
