उक्त निर्णयको जानकारी फाइनान्सले आइतबार नै नेप्से र नेपाल राष्ट्र बैंकमा पठायाे । तर राष्ट्र बैंकले फाइनान्सकाे पत्र पाउने वित्तिकै आइतबार नै सम्पुर्ण निर्णय खारेज गर्न आइतबार नै निर्देशन दियो ।
राष्ट्र बैंकको निर्देशनपछि आइतबार नै साँझ ४ बजे बसेको फाइनान्सकाे सञ्चालक समितिको बैठकले सीईओ नियुक्तिको निर्णय खारेज पनि गर्यो ।
यति छिटाे किन राष्ट्र बैंकले कारवाही गर्याे भन्ने प्रश्न उठ्न सक्छ। भएकाे के रहेछ भने, गत पुस २४-२५ गते राष्ट्र बैंकले फाइनान्समा विशेष अनुगमन गरेको थियो । साे अनुगमनकाे क्रममा पुस १४ गते नियुक्त भएका प्रमुख कार्यकारी अधिकृत प्रकाश चन्द्र अधिकारीकाे नियुक्तिमा पनि कैफियत भेटियाे । आफ्नाे नियुक्तिमा कैफियत भएकाे भन्ने केन्द्रीय बैंककाे निष्कर्ष पछि अधिकारी पदमा बस्न चाहेनन र राजीनामा दिए ।
फाइनान्समा यही पृष्ठभूमि अद्यावधि भइरहँदा फाइनान्स व्यवस्थापनले पुसमै राजीनामा दिएका अधिकारीकाे राजीनामा बल्ल चैत्र ६ गते स्वीकृत गर्याे र नयाँ प्रमुख कार्यकारी अधिकृतका रूपमा इवाहाङलाई भित्र्यायाे ।
