बिहीबारको कारोबार अवधिभर राम्रो अंकसहित बढेको थियो । यद्यपि कारोबार अवधिको अन्तिम समयमा बजारमा बिक्रीचाप बढेको थियो । पछिल्ला केहि कारोबार दिनदेखि बजार सकारात्मक हुँदैछ । जसले लगानीकर्ताको मनोबल सकारात्मक बनाउनको लागि भुमिक निर्वाह गरेको छ । बजार २७ सयको मनोवैज्ञानिक विन्दुमाथि रहन कोसिस गरेको छ । चैत मसान्तको दबाब र नेपाल राष्ट्र बैंकको गभर्नर नियुक्तिकाे समय नजिक आएकै कारण लगानीकर्ताहरु पर्ख र हेरको अवस्थामा रहेका छन् ।
नीतिगत अस्थिरता भएकै कारण शेयर बजारसँगै समग्र अर्थतन्त्र प्रभावित भएको छ । सरकार र नियामक निकायको अव्यवहारिक निर्णयले अप्ठेरो पार्ने गरेको लगानीकर्ता रमेश ढुङ्गानाको बुझाई छ । त्यस्तै पछिल्लो समय शेयर काराेबारको अन्तिम १५ मिनेटको भारित औसत मूल्य निर्धारण बिधि पनि अबैज्ञानिक छ । यो विधि लागु गर्न नियामक निकायले हतार गरेको ढुङ्गानाको भनाई छ ।
