बैशाख महिनाका लागि व्यक्तिगत मुद्दति निक्षेपको अधिकतम ब्याजदर घटाउने बैंकहरु कुमारी बैंक, सानिमा बैंक र नेपाल बैंक रहेका छन्। यी बैंकहरुको अधिकतम ब्याजदर क्रमशः ०.०९ प्रतिशत, ०.१ प्रतिशत र ०.३५ प्रतिशतविन्दु घटेको हो। ब्याजदर बढाउने बैंक भने एभरेष्ट बैंक रहेको छ। व्यक्तिगत मुद्दति निक्षेपको अधिकतम ब्याजदरमा सो बैंकले ०.६१ प्रतिशतविन्दु बढाएको छ। अन्य १६ बैंकहरुले भने चैत महिनाकै ब्याजदरलाई निरन्तरता दिएका छन्।
औषतमा भने यस्तो निक्षेपमा २० वाणिज्य बैंकहरुको ब्याजदर ०.००३५ प्रतिशतविन्दु बढेको छ।
बैंकहरुको संस्थागत मुद्दति निक्षेपको ब्याजदर भने चैतको तुलनामा बैशाखमा औषतमा ०.०६४ प्रतिशतविन्दु घटेको छ। यस्तो निक्षेपमा ८ बैंकहरुले ब्याजदर घटाएका छन्। एभरेष्ट बैंकले भने संस्थागत मुद्दति निक्षेपको अधिकतम ब्याजदर पनि बढाएको छ।
कुन बैंककाे ब्याजदर कति?
